Vijay Thalapathy-Lokesh Kanagaraj Movie | ఇండస్ట్రీలో ఒక సినిమా బ్లాక్ బస్టర్ హిట్టయితే మళ్ళీ ఆ హీరో, దర్శకుడు కలిసి సినిమా చేయాలని ఆసక్తి చూపుతుంటారు. ప్రేక్షకులలో కూడా మళ్ళీ వీళ్ళ కాంబోలో సినిమా వస్తే బావుంటుందని అభిప్రాయ పడుతుంటారు. ఒకవేళ అన్ని కుదిరి ఆ కాంబోలో సినిమా సెట్టయితే మాత్రం ప్రేక్షకులలో భారీ స్థాయిలో అంచనాలు ఏర్పడుతుంటాయి. అలాంటి కాంబినేషన్లో విజయ్, లోకేష్ కనగరాజ్ కాంబో ఒకటి. వీళ్ళ కాంబోలో సినిమా తెరకెక్కుతుందంటే ప్రేక్షకులే కాదు. సినీ ప్రముఖులు కూడా ఎంతో ఆసక్తితో ఎదురు చూస్తుంటారు. గతంలో వీళ్ళ కాంబోలో తెరకెక్కిన ‘మాస్టర్’ మంచి విజయం సాధించింది. ఈ సినిమా సక్సెస్ మీట్లోనే వీళ్ళ కాంబోలో సినిమా ఉంటుందని అనౌన్స్ చేశారు.
తాజాగా ఈ చిత్రానికి సంబంధించిన బిగ్ అప్డేట్ను లోకేష్ కనగరాజ్ వెల్లడించాడు. ఈ చిత్రం గ్యాంగ్స్టర్ డ్రామాగా తెరకెక్కనున్నట్లు వెల్లడించాడు. దాంతో విజయ్ అభిమానులలో ఈ చిత్రంపై తీవ్ర ఆసక్తి నెలకొంది. అనిరుధ్ రవిచందర్ ఈ చిత్రానికి స్వరాలు సమకూర్చుతున్నాడు. ప్రస్తుతం ‘విక్రమ్’ సక్సెస్ను ఎంజాయ్ చేస్తున్న లోకేష్ త్వరలోనే ఈ చిత్రంపై ఫుల్ ఫోకస్ను పెట్టనున్నాడు. ఇక విజయ్ ప్రస్తుతం వంశీ పైడి పల్లి దర్శకత్వంలో ఓ సినిమా చేస్తున్నాడు. ప్రస్తుతం ఈ చిత్ర షూటింగ్ శర వేగంగా జరుగుతుంది. రష్మిక హీరోయిన్గా నటిస్తున్న ఈ చిత్రాన్ని దిల్రాజు నిర్మిస్తున్నాడు.