Aamir Khan Sensational Desition | బాలీవుడ్ మిస్టర్ పర్ఫెక్ట్ అమీర్ ఖాన్ ప్రస్తుతం ఒక హిట్ కోసం ఎంతగానో ఎదురు చూస్తున్నాడు. 2018లో భారీ అంచనాల మధ్య విడుదలయిన ‘థగ్స్ ఆఫ్ హిందుస్థాన్’ అమీర్ కెరీర్లోనే బిగ్గెస్ట్ ఫ్లాప్గా మిగిలింది. ఆ తర్వాత నాలుగేళ్ళ వరకు ఈయన నుండి మరో సినిమా రాలేదు. ఈ క్రమంలో ఆగస్టు 11న అమీర్ ‘లాల్ సింగ్ చడ్డా’తో ప్రేక్షకుల ముందుకు వచ్చాడు. ఈ చిత్రం మొదటి షో నుండి నెగెటీవ్ టాక్ తెచ్చుకుని అమీర్కు మరో భారీ ఫ్లాప్గా మిగిలింది. ఇలా వరుసగా రెండు సినిమాలు డిజాస్టర్లు కావడంతో అభిమానులు తీవ్రంగా నిరాశపడ్డారు. ‘లాల్ సింగ్ చడ్డా’ ఫలితం అమీర్ను కూడా తీవ్రంగా నిరాశపరిచింది. దాదాపు 180 కోట్ల భారీ బడ్జెట్తో తెరకెక్కిన ఈ చిత్రం ఫైనల్గా 70కోట్లను మాత్రమే సాధించింది.
ఈ చిత్రాన్ని వయాకమ్ 18 స్టూడీయోస్తో కలిసి అమీర్ స్వీయ నిర్మాణంలో తెరకెక్కించాడు. అయితే తన సహా నిర్మాతలకు ఇబ్బంది కలిగించొద్దనే ఉద్ధేశంతో అమీర్ ఓ కీలక నిర్ణయం తీసుకున్నాడట. కాగా ఈ సినిమా కోసం అమీర్ ఖాన్ తీసుకున్న 50కోట్ల రెమ్యునరేషన్ను తిరిగి ఇవ్వాలని నిర్ణయం తీసుకున్నాడట. దీన్ని బట్టి చూస్తే అమీర్కు నిర్మాణవ్యయంతో కలుపుకొని 100కోట్ల వరకు నష్టం వాటిల్లినట్లు తెలుస్తుంది. ఏదేమైనా ఇలా నష్టం వస్తే రెమ్యూనరేషన్ తిరిగి ఇచ్చేయడమంటే విశేషం అనే చెప్పాలి. దీనిపై పలువరు నెటీజన్లు అమీర్ను ప్రశంసిస్తున్నారు.
కామెడీ డ్రామా నేపథ్యంలో తెరకెక్కిన ఈ చిత్రానికి అద్వైత్ చందన్ దర్శకత్వం వహించాడు. ఈ చిత్రం హాలీవుడ్లో సూపర్ హిట్టయిన ఫారెస్ట్ గంప్కు రీమేక్గా తెరకెక్కింది. నాగచైతన్య కీలకపాత్రలో నటించాడు. అమీర్కు జోడీగా కరీనాకపూర్ హీరోయిన్గా నటించింది.