ప్రభాస్ (Prabhas) నటిస్తోన్న పాన్ ఇండియా చిత్రాల్లో ఒకటి ఆదిపురుష్ (Aadipurush) ఒకటి. మైథలాజికల్ డ్రామా బ్యాక్ డ్రాప్లో వస్తున్న ఈ చిత్రాన్ని ఓం రౌత్ (Om Raut) డైరెక్ట్ చేస్తున్నాడు. కాగా ఈ సినిమా ప్రమోషన్స్ కు సంబంధించిన ఇంట్రెస్టింగ్ అప్డేట్ ఒకటి నెట్టింట హల్ చల్ చేస్తోంది.
ఆదిపురుష్ ప్రమోషన్స్ డిసెంబర్ 1 నుంచి మొదలుకానున్నాయట. అంతేకాదు ప్రభాస్ డిసెంబర్ నెల మొత్తం డేట్స్ను ఈ సినిమా ప్రమోషన్స్ కోసం కేటాయించాడన్న వార్త ఇపుడు టాక్ ఆఫ్ ది టౌన్గా మారింది. 2023 జనవరి 12న ఆదిపురుష్ గ్రాండ్గా విడుదల చేస్తున్నట్టు మేకర్స్ ప్రకటించిన నేపథ్యంలో ఒక నెల ముందు సమయంతా ఈ ప్రాజెక్టు ప్రమోషన్స్కే కేటాయించబోతున్నట్టు బీటౌన్ సర్కిల్ టాక్.
ఈ నేపథ్యంలో సలార్, ప్రాజెక్టు కే సినిమాలకు డిసెంబర్ నెల మొత్తం బ్రేక్ ఇవ్వనున్నాడట. అక్టోబర్ 2న ఆదిపురుష్ ఫస్ట్ లుక్, టీజర్ లాంఛ్ చేసేందుకు టీంతో కలిసి అయోధ్యకు వెళ్లనున్నాడు ప్రభాస్. మరోవైపు మారుతితో చేయబోయే నెక్ట్స్ సినిమాను వచ్చే ఏడాది ఫిబ్రవరిలో మొదలు కానున్నట్టు టాక్. ప్రస్తుతం హైదరాబాద్లో సలార్ షూటింగ్లో పాల్గొంటున్నాడు.
ఆదిపురుష్లో ప్రభాస్ రాముడిగా కనిపించనుండగా..బాలీవుడ్ భామ కృతిసనన్ సీత పాత్రలో నటిస్తోంది. సైఫ్ అలీ ఖాన్ లంకేశ్ పాత్రలో నటిస్తున్నాడు. లక్ష్మణుడిగా సన్నీ సింగ్, హనుమంతుడిగా దేవ్దత్తా నగే నటిస్తున్నారు. టీ సిరీస్, రెట్రోఫైల్స్ సంయుక్తంగా నిర్మిస్తున్న ఆదిపురుష్కు సాచెట్-పరంపర మ్యూజిక్ డైరెక్టర్లు.