ఖానాపూర్రూరల్, మార్చి 29: మండలంలోని రాజూరా, సింగాపూర్, సూర్జాపూర్, మస్కాపూర్ మేడంపెల్లి, ఎక్బాల్పూర్ తదితర గ్రామాల్లో సోమవారం హోలీ సంబురాలు జరుపుకున్నారు. నాయకులు చిన్నం రవి, పులివేని సత్యనారాయణ, రాజేశ్వర్, పెద్దిరాజు తదితరులు పాల్గొన్నారు.
కడెం, మార్చి 29: మాసాయిపేటలో సర్పంచ్ మెలుగూరి రాముగౌడ్ ఆధ్వర్యంలో హోలీ వేడుకలు జరుపుకొన్నారు. కన్నాపూర్, కల్లెడ గ్రామాల్లో యువత సహజ రంగులతో వేడుకలు చేసుకున్నారు. వాగుల్లో స్నానాలు చేస్తూ ఆహ్లాదంగా గడిపారు.
దస్తురాబాద్, మార్చి 29 : మండల కేంద్రంతో పాటు, మున్యాల, మున్యాల గోండుగూడెంలో మహిళలు, యువత, చిన్నారులు ఒకరిపైఒకరు రంగులు చల్లుకున్నారు. సర్పంచ్లు తదితరులు పాల్గొన్నారు.
నిర్మల్ అర్బన్, మార్చి 29 : జిల్లా కేంద్రంలో రెండో రోజూ హోలీ వేడుకలను నిర్వహించారు. చిన్నారులు, యువత ఉత్సాహంగా రంగులు చల్లుకున్నారు. విశ్రాంతి భవనంలో విలేకరులు రంగులాడారు.
సారంగాపూర్, మార్చి 29: మండలంలో హోలీ పండుగను జరుపుకొన్నారు. ఆదివారం రాత్రి కామదహనం చేశారు. యువత రంగులు చల్లుకుని, నృత్యాలు చేశారు.
దిలావర్పూర్, మార్చి 29: దిలావర్పూర్, గుండంపల్లి కాల్వ, బన్సపల్లి, సిర్గాపూర్, న్యూ లోలం తదితర గ్రామాల్లో హోలీ సంబురాలు ఘనంగా నిర్వహించారు. నిర్మల్ ఏరియా దవాఖాన సూపరింటెండెంట్ డాక్టర్ దేవేందర్రెడ్డి స్నేహితులతో కలిసి హోలీ సంబురాల్గో పాల్గొన్నారు. సర్పంచ్లు ఎంపీటీసీలు ఎంపీపీ తదితరులు పాల్గొన్నారు. దిలావర్పూర్ ఎస్ఐ సంజీవ్ ఆధ్వర్యంలో బందోబస్తు నిర్వహించారు.
కుంటాల, మార్చి 29: మండల వ్యాప్తంగా రంగుల హోలీని ప్రజలు ఘనంగా జరుపుకున్నారు. ఒకరిపై ఒకరు రంగులు చల్లుకొని పండుగ శుభాకాంక్షలు తెలుపుకున్నారు. కరోనా కారణంగా గ్రామాల్లో హోలీ సందడి అంతగా కనిపించలేదు.
కుభీర్, మార్చి 29: కుభీర్తో పాటు మండలంలోని పార్డి(బీ), పార్డి(కే), పల్సి, నిగ్వ, మాలేగాం, సొనారి, చొండి, గోడ్సర, సాంగ్వి, డోడర్న, సిర్పెల్లి తదితర గ్రామాల్లో హోలీ పండుగను ఘనంగా జరుపుకొన్నారు. చిన్నారులకు చక్కెర, కుడుకల హారాలు వేశారు. పార్డి(కె)లో సర్పంచ్ ఆకుల గంగాధర్, వీడీసీ అధ్యక్షుడు ఆకుల వెంకటి, మాజీ ఎంపీటీసీ బందెల శంకర్, పీఏసీఎస్ సీఈవో ఎగ్గం క్రాంతికుమార్ పాల్గొన్నారు.
ముథోల్, మార్చి 29: మండల కేంద్రంలో తాత్కాలిక సర్పంచ్ గంగాధర్, యువకులు సీఐ అజయ్బాబు, ఎస్సై అశోక్కు హోలీ శుభాకాంక్షలు తెలిపారు. ఆదివారం రాత్రి కామ దహనం చేశారు.
భైంసాటౌన్, మార్చి 29: మండలంలోని కుంసరా, గుండెగాం, మహగాంలో హోలీ వేడుకలు ఘనంగా జరుపుకొన్నారు. పిల్లలు, యువత రంగులు పూసుకున్నారు.
భైంసా, మార్చి 29 : పట్టణంలో కొవిడ్ నిబంధనల మేరకు హోలీ వేడుకలు నిర్వహించారు. ఏఎస్పీ కారే కిరణ్ ప్రభాకర్, పట్టణ సీఐ వేణుగోపాల్ ఆధ్వర్యంలో బందోబస్తుతో పాటు ప్రధాన కూడళ్లలో పికెట్ను ఏర్పాటు చేశారు. ఎమ్మెల్యే విఠల్రెడ్డి, బీజేపీ నాయకుడు మోహన్రావు పటేల్, ప్రజలకు హోలీ శుభాకాంక్షలు తెలిపారు.
సోన్, మార్చి 29: నిర్మల్, సోన్ మండలాల్లోని ఆయా గ్రామాల్లో హోలీ వేడుకలను ఘనంగా నిర్వహించారు. సోన్ మండల కేంద్రంతో పాటు కడ్తాల్, గంజాల్, పాక్పట్ల, మాదాపూర్, న్యూవెల్మల్, నిర్మల్ మండలంలోని అనంతపేట్, నీలాయిపేట్ తదితర గ్రామాల్లో యువత రంగులను చల్లుకొని హోలీ శుభాకాంక్షలు తెలుపుకున్నారు. సోన్ మండల కేంద్రంలో బ్రాహ్మణులు సంప్రదాయంగా వేడుకలు జరుపుకున్నారు.
తానూర్, మార్చి 29 : తానూర్తో పాటు మండలంలోని ఆయా గ్రామాల్లో నాయకులు, ప్రజాప్రతినిధులు, యువకులు, చిన్నారులు ఒకరిపై ఒకరు రంగులు చల్లుకుంటూ పండుగను జరుపుకొన్నారు. ఎస్సై గుడిపెల్లి రాజన్న, కాంగ్రెస్ మండల కన్వీనర్ శివాజీ పటేల్, మాజీ సర్పంచ్ రాములు, సొసైటీ డైరెక్టర్ పుండలిక్, నాయకుడు సోమ్నాథ్, ఆలయ కమిటీ చైర్మన్ అశోక్, హిందూవాహిని సభ్యులు, గ్రామస్తులు, మహిళలు తదితరులున్నారు.
మామడ, మార్చి 29 : మండలంలోని అన్ని గ్రామాల్లో సోమవారం హోలీ వేడుకలు నిర్వహించారు. గిరిజన గ్రామాల్లో సంస్కృతీ సంప్రదాయాలు ప్రతిబింబించే విధంగా ప్రత్యేక కార్యక్రమాలు జరుపుకొన్నారు.
పెంబి: మండల కేంద్రంతో పాటు పలు గ్రామాల్లో సోమవారం హోలీ పండుగను చిన్నారులు, యువకులు, పెద్దలు ఉల్లాసంగా జరుపుకున్నారు. ఆదివారం రాత్రి కామ దహనాన్ని సంప్రదాయ బద్ధంగా నిర్వహించారు. సర్పంచ్ పూర్ణచందర్ గౌడ్ తదితరులు పాల్గొన్నారు.
లక్ష్మణచాంద, మార్చి29: మండలంలోని లక్ష్మణచాంద, పీచర, ధర్మారం, మల్లాపూర్, పార్పెల్లి, మునిపెల్లి గ్రామాల్లో సోమవారం హోలీ వేడుకలు నిర్వహించారు. ఆదివారం రాత్రి ఆయా గ్రామాల్లో కామదహనం చేశారు. లక్ష్మణచాందలోని వీధులో రంగులబండి తిప్పి రంగులు చల్లుకున్నారు.
నిర్మల్ టౌన్, మార్చి 29: నిర్మల్ పట్టణంలోని ఆయా వార్డుల్లో సోమవారం హోలీ పండగను సంబురంగా నిర్వహించుకున్నారు. ఆదర్శనగర్, ప్రియదర్శినినగర్, బోయవాడ, దివ్యనగర్, గాంధీచౌక్ తదితర ప్రాంతాల్లో యువకులు, పిల్లలు ఒకరిపై ఒకరు రంగులు చల్లుకొని నృత్యాలు చేస్తూ హోలీ సంబురాల్లో పాల్గొన్నారు.
ఇవి కూడా చదవండి
భార్య చిన్నచూపు చూస్తోందని భర్త ఆత్మహత్య
కోవిడ్ వ్యాక్సిన్ వేయించుకోనున్న సీఎం జగన్