విద్య, ఉద్యోగం, షాపింగ్, వ్యక్తిగత అవసరాలు.. ఇలా ఎటు వెళ్లాలన్నా ఇప్పుడు కారు తప్పనిసరిగా భావిస్తున్నారు. అటు భద్రత పరంగాను.. ఇటు సౌలభ్యమైన ప్రయాణానికి అధిక మంది ఈ వాహనాన్నే ఎంచుకుంటున్నారు. ముఖ్యంగా కరోనా పరిస్థితులు కూడా ఫోర్వీలర్ కొనుగోళ్ల వైపు నగరవాసులను తీసుకెళ్లాయి. మహిళలు సైతం పోటీపడుతూ ‘కారుకే జై’ కొడుతున్నారు. ఉదయం, సాయంత్రం ఖాళీ సమయాల్లో డ్రైవింగ్ నేర్చుకొని.. శిక్షణ పూర్తిచేసి లైసెన్స్లు పొందుతున్నారు. డ్రైవింగ్పై అతివలు అమితాసక్తి చూపిస్తున్నారు. రహదారులపై రయ్..రయ్..మంటూ దూసుకెళ్తున్నారు. అందులోనూ కారు జర్నీనే అన్ని విధాల సేఫ్గా భావిస్తున్నారు. ముఖ్యంగా 18 నుంచి 24 ఏండ్ల యువతులు డ్రైవింగ్ నేర్చుకుని ఫోర్వీలర్ డ్రైవింగ్ లైసెన్స్ పొందుతున్నారు. ఇలా క్రమంగా గ్రేటర్లో లైసెన్స్లు తీసుకుంటున్న మహిళల సంఖ్య పెరుగుతున్నది. రవాణా శాఖ గణాంకాల ప్రకారం..నాలుగేండ్లలో 1.77 లక్షల లైసెన్స్లు జారీ అయ్యాయి. ఈ ఏడాది మార్చి 5 వరకు 12,521 లైసెన్స్లు తీసుకోగా, పదివేలకు పైగా ఫోర్ వీలర్వే కావడం విశేషం. అందులో 18 నుంచి 24 ఏండ్ల లోపు ఉన్న వారు 8,050 మంది ఉన్నారు.
కాలేజీకి కారులోనే..
కారు డ్రైవింగ్ నేర్చుకున్నాను. లైసెన్స్ వచ్చింది. కారు ప్రయాణం సౌకర్యవంతంగా ఉంటుంది. కరోనా దృష్ట్యా భౌతిక దూరం పాటించాలంటే ప్రయాణాలు సొంత వాహనాల్లో చేయడం ఉత్తమం. అందులో కారు బెస్ట్. ఫ్యామిలీ అంతా ఎటైనా వెళ్లడానికి వీలుగా ఉంటుంది. – కార్తీక, బీటెక్
ఇటీవలే లైసెన్స్ వచ్చింది
మహిళలు డ్రైవ్ చేయడం ఇప్పుడు సాధారణం. మగవారికి దీటుగా దూసుకుపోతున్నారు. క్షేమంగా డ్రైవ్ చేయడంలో మహిళలు ముందుంటారు. చాలా ఓపిగ్గా రోడ్డు నిబంధనలు పాటిస్తూ జాగ్రత్తగా డ్రైవ్ చేస్తారు. నేను ఆర్నెళ్ల నుంచి కారు నడుపుతున్నాను. ఎక్కడికి వెళ్లినా కారులోనే ప్రయాణిస్తున్నాను. – సౌమ్య, సాఫ్ట్వేర్ ఉద్యోగి
కారు డ్రైవింగ్పై ఆసక్తి
కారు డ్రైవింగ్ నేర్చుకోవడానికి చాలా మంది మహిళలు ఆసక్తి చూపుతున్నారు. కరోనా పరిస్థితులతో తల్లిదండ్రులు తమ పిల్లలకు డ్రైవింగ్ నేర్పించడానికి ప్రోత్సహిస్తున్నారు. కారు నడపడం వస్తే చాలు.. అమ్మాయిలకు 80 సమస్యలు పరిష్కారమైనట్టే. ముఖ్యంగా భద్రతాపరంగా సొంత వాహనం చాలా బెటర్గా ఉంటుందనేది నా అభిప్రాయం. రాత్రి సమయంలో ఎలాంటి ఇబ్బంది ఉండదు. – జ్యోత్స్న, యోధి డ్రైవింగ్ స్కూల్