ఆదివారం 05 జూలై 2020
National - Jul 01, 2020 , 16:27:26

అయోధ్యలో రామాలయం శంకుస్థాపనకు మోదీకి ఆహ్వానం

 అయోధ్యలో రామాలయం శంకుస్థాపనకు మోదీకి ఆహ్వానం

లక్నో: ఉత్తరప్రదేశ్‌లోని అయోధ్యలో రామాలయం నిర్మాణానికి శంకుస్థాపన కోసం ప్రధాని నరేంద్ర మోదీని ఆహ్వానించినట్లు రామజన్మభూమి తీర్థ కేత్ర ట్రస్ట్‌ తెలిపింది. ఈ మేరకు ప్రధానికి లేఖ రాసినట్లు ఆ ట్రస్ట్‌ చైర్మన్‌ మహంతి నిత్య గోపాల్ దాస్ చెప్పారు. కరోనా నా నేపథ్యంలో ఎలాంటి ఆర్భాటం లేకుండా, తక్కువ మంది సమక్షంలో రామాలయం నిర్మాణానికి సంబంధించిన శంకుస్థాపన కార్యక్రమాన్ని చేపడతామని బుధవారం ఆయన తెలిపారు. 

అయోధ్యలోని బాబ్రీ మసీదు, రామజన్మ భూమి వివాదంపై సుప్రీంకోర్టు గత ఏడాది నవంబర్‌ 9న చారిత్రక తీర్పు ఇచ్చిన సంగతి తెలిసిందే. వివాదస్పద స్థలం రామ్‌ లల్లాకే చెందుతుందని ఐదుగురు న్యాయమూర్తులతో కూడిన రాజ్యాంగ ధర్మాసనం పేర్కొంది. ఆలయ నిర్మాణం కోసం ఒక కమిటీని ఏర్పాటు చేయాలని, అలాగే అయోధ్యలోనే మసీదు నిర్మాణం కోసం ఐదు ఎకరాల స్థలాన్ని సున్నీ వక్ఫ్‌ బోర్డుకు కేటాయించాలని ఆ తీర్పులో పేర్కొంది. ఈ నేపథ్యంలో కేంద్ర ప్రభుత్వం అయోధ్యలో రామాలయం నిర్మాణం కోసం మహంతి నిత్య గోపాల్ దాస్ అధ్యక్షతన 15 మంది సభ్యులతో రామజన్మభూమి తీర్థ కేత్ర ట్రస్ట్‌ను ఈ ఏడాది ఫిబ్రవరి5న ఏర్పాటు చేసింది. 


లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్   డోన్‌లోడ్ చేసుకోండి.



logo