కొందరు పుస్తకాలు చదవడాన్ని ఇష్టపడుతుంటారు. రోజంతా అలా కూర్చొని, పేజీలకు పేజీలు తిరగేస్తూనే ఉంటారు. అయితే, కుర్చీలో ఎక్కువసేపు గడపటం వల్ల నడుము నొప్పి బారినపడే అవకాశం ఉన్నది. ఇంకొందరైతే.. పుస్తకాలు తెచ్చుకోవడానికి బుక్షెల్ఫ్ వద్దకు వెళ్లేందుకూ బద్ధకిస్తుంటారు. అలాంటివారి కోసం వచ్చిందే ఈ టేబుల్ బుక్ షెల్ఫ్. పైన టేబుల్, కింద పుస్తకాలుండేలా దీన్ని రూపొందించారు. దీనిపై పడుకొనైనా, కూర్చునైనా పుస్తకాలను చదువుకోవచ్చు. ఎంతసేపు గడిపినా నడుముపై ఎలాంటి ప్రభావం చూపదు. పుస్తకాల కోసం మళ్లీ లేవనవసరం లేకుండా, కిందే బుక్ షెల్ఫ్ను ఏర్పాటు చేసుకోవచ్చు.కరోనా కాలంలో ఇలాంటి టేబుల్ ఒక్కటి ఉంటే చాలు, ఎన్ని రోజులైనా ఇంటిపట్టునే గడిపేయొచ్చు.