ఉత్తమ పంచాయతీగా చక్రాపూర్
జాతీయ స్థాయిలో అవార్డుకు ఎంపిక
వందశాతం మరుగుదొడ్లు, ఇంకుడు గుంతులు
మూసాపేట, ఏప్రిల్ 1 : రాష్ట్ర ప్రభుత్వం చేపట్టిన పల్లె ప్రగతి కార్యాచరణతో మూరుమూల పల్లెలు కూడా ప్రగతి పథంలో దూసుకెళ్తున్నాయి. పట్టణాలు, పల్లెలు అనే తేడా లేకుండా సమభాగంలో అభివృద్ధి చెందాలనే సంకల్పంతో ముఖ్యమంత్రి కేసీఆర్ గ్రామాల అభివృద్ధికి శ్రీకారం చుట్టారు. గ్రామ పంచాయతీ, అనుబంధ కమిటీ సభ్యులు, గ్రామస్తులు సమష్టిగా నిర్ణయం తీసుకొని అభివృద్ధి చేసుకుంటున్నారు. సీఎం కేసీఆర్ ప్రకటించిన మార్గదర్శకాలే మూసాపేట మండలంలోని చక్రాపూర్ గ్రామ దశ మార్చింది. చక్రాపూర్ గ్రామస్తులు చేసిన సమష్టి కృషికి జాతీయ స్థాయిలో దీన్దయాల్ ఉపాధ్యాయ్ స్వశక్తికరణ్ పురస్కార్కు ఎంపికైంది.
గ్రామంలో చేపట్టిన కార్యక్రమాలు..
చక్రాపూర్ గ్రామంలో 2011 జనాభా లెక్క ల ప్రకారం 1638 మంది ఉన్నారు. 583 కుటుంబాలు ఉండగా, 286 నివాసాలు ఉన్నాయి. అదేవిధంగా అనుబంధంగా కనకాపూర్ తండా ఉంటుంది.
వందశాతం మరుగుదొడ్లు పూర్తి చేశారు.
వందశాతం ఇంకుడు గుంతలు పూర్తి చేశా రు. వందశాతం పన్నులు చెల్లిస్తున్నారు.
స్థలకొరత ఉన్నా శ్మశానవాటిక, డంపింగ్ యార్డు నిర్మించారు.
వందశాతం చెత్తను సేకరిస్తున్నారు.
మురుగుకాల్వలు, వీధులు శుభ్రం చేస్తున్నారు.
గ్రామ పంచాయతీకి ట్రాక్టర్, ట్యాంకర్ కొ నుగోలు చేశారు.
గ్రామస్తులు, అధికారులు, ప్రజాప్రతినిధు లు సమష్టిగా చర్చించిన తర్వాతే తుది నిర్ణయం.
హరితహారంలో నాటిన మొక్కలన్నింటినీ సంరక్షిస్తున్నారు.
వననర్సరీలో మొక్కలు పెంచుతున్నారు.
వందశాతం కాన్పులు ప్రభుత్వ దవాఖానలోనే చేస్తున్నారు.
ప్రభుత్వం చేపడుతున్న సంక్షేమ కార్యక్రమాలను వందశాతం పూర్తి చేస్తున్నారు.
గ్రామస్తుల సహకారం బాగుంది..
గ్రామంలో చేపడుతున్న కార్యక్రమాల్లో గ్రామస్తులు సహకారం అం దిస్తున్నారు. ముఖ్యంగా యువకులు ఎక్కువ శాతం పాల్గొని ఉత్తమ గ్రా మ పంచాయతీ ఎంపికకు శ్రమించా రు. ఎమ్మెల్యే ఆల వెంకటేశ్వర్రెడ్డి స హకారం పూర్తి స్థాయిలో ఉంటున్న ది. అన్ని రంగాల్లో వందశాతం ముం దుకు సాగుతున్నాం. మరింత అభివృద్ధి చేసేందుకు కృషి చేస్తా.
సమష్టి కృషితోనే సాధ్యం..
గ్రామస్తుల సమష్టి కృషితోనే జాతీయ స్థాయిలో ఉత్తమ అవార్డుకు ఎంపికైంది. పల్లెప్రగతిలో యువకులు, మహిళా సంఘం సభ్యులు, గ్రామస్తుల సహకారం బాగుంది. ఇంటింటికీ తిరిగి అడగాల్సిన అవసరం లేకుండా స్వయంగా వచ్చి వందశాతం పన్నులు చెల్లిస్తున్నారు. పల్లెప్రగతి తర్వాత ప్రజల్లో చాలా మార్పు వచ్చింది.