e-Paper

Advertisement

E-Paper

Apps

Book Your Copy

Visit Telangana Today

Saturday, July 31, 2021
Home జాతీయం 22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు

22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు

22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు

చెన్నై: సాధారణంగా పదవీ విరమణ చేసిన ప్రభుత్వ ఉద్యోగులను ఘనంగా సన్మానించి వీడ్కోలు పలుకుతారు. అయితే 22 ఏండ్ల పాటు సేవలందించిన ఒక ప్రభుత్వ వాహనానికి ఆ శాఖ సిబ్బంది ఘనంగా వీడ్కోలు చెప్పారు. ఈ అరుదైన ఘటన తమిళనాడులో జరిగింది. 1999 మార్చి 24న కొనుగోలు చేసిన మారుతి జిప్సీ వెల్లూర్ పోస్ట్ ఆఫీస్‌కు ఎనలేని సేవలందించింది. గత 22 ఏండ్లుగా 25 మంది పోస్టల్‌ సూపరింటెండెంట్లు ఈ వాహనాన్ని తనిఖీల కోసం వినియోగించారు. ఇందులో ప్రయాణించి జిల్లాలోని జావాధు కొండలతో సహా కొండ ప్రాంతాల్లోని పోస్టాఫీసులను సందర్శించేవారు. గత 22 ఏండ్లలో ఈ జిప్సీకి ఒక్కసారి కూడా యాక్సిడెంట్‌ కాకపోవడం మరో విశేషం.

మంచి కండీషన్‌లో ఉండి తళతళ మెరిసే ఈ మారుతి జిప్సీని ప్రభుత్వ నిబంధనల ప్రకారం డిస్పోజ్‌ కోసం మెయిల్ మోటార్ సర్వీస్‌కు అప్పగించాల్సి ఉంది. ఈ నేపథ్యంలో ఈ ప్రభుత్వ వాహనంతో ఎంతో అనుబంధం ఉన్న వెల్లూర్‌ పోస్టల్‌ కార్యాలయం అధికారులు, సిబ్బంది ఇటీవల దీనికి ఘనంగా వీడ్కోలు పలికారు. వాహనం ముందు భాగాన్ని పూలు, పూల దండలతో అందంగా అలంకరించారు. ఫొటోలు దిగడంతోపాటు దానికి సెల్యూట్‌ కూడా చేశారు. ఈ సందర్భంగా సిబ్బందికి స్వీట్లు పంచి పెట్టారు.

- Advertisement -

సాధారణంగా ప్రభుత్వ వాహనాలకు ఈ విధంగా వీడ్కోలు ఉండదు. అయితే వెల్లూర్‌ పోస్టల్‌ కార్యాలయం సిబ్బంది మాత్రం, శాఖకు 22 ఏండ్లు సేవలందించి వేలాది కిలోమీటర్లు ప్రయాణించి అలసిన ఈ ప్రభుత్వ వాహనానికి ఎంతో ప్రత్యేకంగా, వేడుకగా, ఉద్వేగ భరితంగా గుడ్‌బై చెప్పారు.

Advertisement
-Advertisement-

తాజావార్తలు

Advertisement
22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు
22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు
22 ఏండ్లు సేవలందించిన ప్రభుత్వ వాహనానికి.. ఘనంగా వీడ్కోలు

ట్రెండింగ్‌

Advertisement