మీకు అంతరిక్ష అద్భుతాలపై ఆసక్తి ఉందా.. అయితే మీలాంటి వాళ్లకోసమే నాసా ఈ వీడియోను ట్విటర్లో పోస్ట్ చేసింది. మనకు అందనంత దూరంలో ఉన్న కెరీనా నెబ్యులాను నాసాకు చెందిన హబుల్ టెలిస్కోప్ తన కెమెరాలో బంధించింది.
ఈ కెరీనా నెబ్యలాలో కొంతమేర మాత్రమే హబుల్ టెలిస్కోప్ క్యాప్చర్ చేసింది. ఇది మన గెలాక్సీలో అతిపెద్ద నక్షత్రాలను ఏర్పరుస్తున్న ప్రాంతాలలో ఒకటి. ఈ కెరీనా నెబ్యులా 7,500 కాంతి సంవత్సరాల దూరంలో ఉంది. ఇది ఎక్కువగా హైడ్రోజన్ వాయువుతో ఏర్పడిందట. వీడియోలో నెబ్యులా మేఘాలు పర్వతంలా కనిపిస్తూ కనువిందు చేస్తున్నాయి.