ఇటీవలి కాలంలో సినీ ఇండస్ట్రీలో కొన్ని క్రేజీ కాంబినేషన్స్ సెట్ అవుతున్నాయి. ఆ కాంబినేషన్లో సినిమా వస్తుందనే సరికి జనాలు ప్రాజెక్ట్పై తెగ ఆసక్తి చూపుతున్నారు. తాజాగా సూపర్ కాంబో సెట్ కాబోనుందనే వార్త సౌత్ ఇండస్ట్రీలో చక్కర్లు కొడుతోంది. ఒకరు తెలుగులో సూపర్ స్టార్ కాగా, మరొకరు తమిళంలో సూపర్ స్టార్ . వీరిద్దరిని ఓ స్టార్ డైరెక్టర్ డీల్ చేయనున్నట్టు సినీ వర్గాలలో చర్చ నడుస్తుంది.
సూపర్ స్టార్ మహేష్ బాబు, ఉలగనాయగన్ కమల్ హాసన్ ప్రధాన పాత్రలలో క్రియేటివ్ డైరెక్టర్ మురగదాస్ ఓ ప్రాజెక్ట్ చేయాలని భావిస్తున్నాడట. ఈ స్టోరీ లైన్ కూడా సిద్ధమైందని సమాచారం. మహేష్ ఈ మూవీలో సీబీఐ ఆఫీసర్ గా కనిపించబోతున్నారని కమల్ ఓ యువతి తండ్రి పాత్రలో కనిపిస్తారని టాక్. మరి ఈ వార్తలో ఎంత నిజ ఉందనేది తెలియాల్సి ఉంది. గతంలో మహేష్- మురుగదాస్ కాంబినేషన్ లో స్పైడర్ అనే చిత్రం రూపొందిన విషయం తెలిసిందే.ఈ చిత్రం కమర్షియల్ గా సక్సెస్ అందుకోలేదు.