న్యూఢిల్లీ, జూన్ 6: చిత్రంలో కనిపిస్తున్న ఎలుక పేరు మగావా. ఇది గోల్డ్ మెడలిస్ట్. ఎలుకకు గోల్డ్ మెడల్ ఏంటనేగా డౌట్. ఇది మందుపాతరలను కనిపెట్టడంతో ఎక్స్పర్ట్. కాంబోడియాలో ఇప్పటివరకు 71 మందుపాతరలను గుర్తించి వందలాది మంది ప్రాణాలను కాపాడింది. అందుకే దీనిని హీరో ర్యాట్ అంటారు. ఈ ఎలుక బరువు 1.2 కిలోలు. ఆఫ్రికాకు చెందిన జెయింట్ పౌచ్ ర్యాట్ సంతతికి చెందిన ఈ ఎలుక ఐదేండ్లు కాంబోయిడా మైన్ యాక్షన్ సెంటర్(సీఎంఏసీ)లో పనిచేసింది. ప్రస్తుతం దాని వయస్సు ఏడేండ్లు. వయసైపోవడంతో ఆ పదవి నుంచి రిటైర్ అయింది. కాంబోడియాలో 80 లక్షల మందుపాతరలు ఉన్నాయన్న అంచనాల నేపథ్యంలో వాటిని కనిపెట్టడానికి మైన్ యాక్షన్ సెంటర్(సీఎంఏసీ) ఎలుకలకు శిక్షణనిచ్చి రంగంలోకి దింపింది. ఎలుకలు మందుపాతరలను గుర్తించడంలో బెల్జియంకు చెందిన అపోపో సంస్థ శిక్షణ ఇస్తున్నది.