శుక్రవారం 05 జూన్ 2020
National - May 09, 2020 , 13:19:29

మాకు ఎలాంటి ప్ర‌యోజ‌నం లేదు : బార్ య‌జ‌మాని

మాకు ఎలాంటి ప్ర‌యోజ‌నం లేదు : బార్ య‌జ‌మాని

బెంగ‌ళూరు : క‌ర్ణాట‌క ప్ర‌భుత్వం తాజాగా రెస్టారెంట్లు బార్లు, ప‌బ్బుల‌కు మ‌ద్యం అమ్మేందుకు అనుమ‌తిస్తూ ఆదేశాలు జారీచేసిన విష‌యం తెలిసిందే. ఈ నేప‌థ్యంలో శివ‌మొగ్గ‌లో మ‌ద్యం అమ్మ‌కాల‌ను ప్రారంభించారు. బార్ య‌జ‌మాని ఒక‌రు మాట్లాడుతూ.ప్ర‌భుత్వ నిర్ణ‌యంతో త‌మ వ్యాపారంలో ఎలాంటి ప్ర‌యోజ‌నం క‌లుగ‌లేద‌న్నాడు. తాము ఇప్ప‌టివ‌ర‌కు ఉన్న స్టాక్ ను మాత్ర‌మే అమ్ముతున్నామ‌ని చెప్పాడు. 

మే 9 నుంచి 17 వ‌ర‌కు మ‌ద్యాన్ని రిటైల్ ధ‌ర‌ల‌కు అమ్ముకోవ‌చ్చ‌ని ప్ర‌భుత్వం విడుద‌ల చేసిన ఉత్తర్వుల్లో పేర్కొంది. మద్యాన్ని కొనుగోలు చేసి తీసుకెళ్లేందుకు మాత్ర‌మే అనుమ‌తి ఉంటుంద‌ని ప్ర‌భుత్వం ఆదేశాల్లో పేర్కొంది. లాక్ డౌన్ తో ఆదాయం ప‌డిపోవ‌డంతో.. క‌ర్ణాట‌క ప్ర‌భుత్వం ఇటీవ‌లే కొన్ని స‌డ‌లింపుల‌తో మ‌ద్యం షాపులు తెరుచుకునేందుకు అనుమ‌తిచ్చింది. బెంగ‌ళూరులో మ‌రో బార్ య‌జ‌మాని వెంక‌టేశ్ బాబు మాట్లాడుతూ..రెండు నెల‌లుగా లాక్ డౌన్ ప్ర‌భావంతో షాపులు మూసివేయ‌డం వ‌ల్ల చాలా న‌ష్టం జ‌రిగింది. ఈ నేప‌థ్యంలో ప్ర‌భుత్వం తీసుకున్న నిర్ణ‌యాన్ని స్వాగ‌తిస్తున్నామ‌ని అన్నాడు. 




ప్ర‌తీ రోజు న‌మ‌స్తే తెలంగాణ తాజా వార్త‌లు క‌థ‌నాలు కోసం ఈ లింక్ ను క్లిక్ చేసి .. టెలిగ్రామ్ యాప్ ను స‌బ్ స్క్రైబ్ చేసుకోగ‌ల‌రు..


logo