పులిదాడిలో యువకుడు మృతి

చంద్రాపూర్‌ : మహారాష్ట్రలోని చంద్రపూర్‌ జిల్లా కేమారా గ్రామానికి చెందిన యువకుడిపై పులిదాడి చేసి హతమార్చింది. కేమారా గ్రామానికి చెందిన సుజాత్ నెవారే (18) ఉదయం పోంభూర్ణ తహసీల్‌ పరిధిలో బుధవారం మధ్యాహ్నం పులి గొర్రెల మేపేందుకు వెళ్లాడు. ఈ క్రమంలో పొదల్లో ఉన్న పులి అతడిపై దాడిచేసి హతమార్చింది. నెవారే ఇంటికి రాకపోవడంతో తల్లిదండ్రులు గ్రామస్తులు సాయంతో గాలించగా మృతదేహం కనిపించింది. అటవీ శాఖ అధికారులు ఘటనాస్థలాన్ని పరిశీలించారు. బాధిత కుటుంబానికి ఎక్స్ గ్రేషియా అందించి ఆదుకుంటామని భరోసా ఇచ్చారు. ఈ ఏడాది జిల్లాలో పులిదాడిలో 23 మంది, చిరుత దాడిలో నలుగురు అడవి పంది దాడిలో మరొకరు మొత్తం 28 మంది మృత్యువాతపడ్డారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.