శ్రీనగర్‌లో ఉగ్రవాదుల దాడి.. ఇద్దరు సైనికుల మృతి

శ్రీనగర్‌ : జమ్మూ కాశ్మీర్‌లో ఉగ్రవాదులు మళ్లీ రెచ్చిపోయారు. శ్రీనగర్‌లో సైన్యంపై కాల్పులు జరిపారు. ఈ ఘటనలో ఇద్దరు జవాన్లు వీరమరణం పొందారు. శ్రీనగర్ శివారులోని హెచ్‌ఎంటీ వద్ద ఇండియన్ ఆర్మీ రోడ్ ఓపెనింగ్ పార్టీ (ఆర్‌ఓపీ) పై ఉగ్రవాదులు దాడి చేశారు. సమాచారం అందుకున్న సీఆర్‌ఎపీఎఫ్‌ బలగాలు, జమ్మూకాశ్మీర్‌ ఎస్‌ఓసీ సిబ్బంది సంఘటనా స్థలానికి చేరుకొని ఆ ప్రాంతాన్ని చుట్టుముట్టాయి. మరిన్ని వివరాలు తెలియాల్సి ఉంది. 26/11 ముంబై ఉగ్రవాద దాడి జరిగి నేటికి 12 సంవత్సరాలు గడిచిన సందర్భంలో సైనికులపై ఉగ్రదాడి జరగడంతో విషాదం నెలకొంది. మరో వైపు ఎనిమిది దశల్లో డీసీసీ ఎన్నికలు జరుగనున్నాయి. నవంబర్ 28, డిసెంబర్ 22 మధ్య ఎన్నికలు జరుగున్నాయి.