మంగళవారం 19 జనవరి 2021
National - Dec 20, 2020 , 10:17:07

జమ్ము డీడీసీ ఎన్నికల్లో పోటీచేసిన మాజీ ఉగ్రవాది

జమ్ము డీడీసీ ఎన్నికల్లో పోటీచేసిన మాజీ ఉగ్రవాది

శ్రీనగర్‌: జమ్ముకశ్మీర్‌లో జరిగిన జిల్లా అభివృద్ధి మండలి (డీడీసీ) ఎన్నికల్లో మాజీ ఉగ్రవా ది పోటీచేశాడు. రాజౌరీ జిల్లాలోని దర్హల్‌ మల్కాన్‌ సీటు నుంచి ఉనాఫ్‌ మాలిక్‌ అనే మాజీ ఉగ్రవాది ఎన్నికల బరిలో నిలిచాడు. గతంలో ఉగ్రవాదిగా పనిచేసిన ఆయన పోలీసుల ముందు లొంగిపోయారు. ‘తాను ఏడేండ్ల పాటు ఓ ఉగ్రవాద సంస్థలో డివిజనల్ కమాండర్‌గా పనిచేశాను. ఉగ్రవాదులంతా ఆయుధాలను వదిలి జనజీవన శ్రవంతిలో కలవాలని కోరాడు. 

ఎనిమిది విడుతలుగా జరిగిన డీడీసీ ఎన్నికలు శనివారం ముగిశాయి. నిన్న జరిగిన ఆఖరి విడుత పోలింగ్‌లో జమ్ము డివిజన్‌లో 77.1 శాతం పోలింగ్‌, కశ్మీర్‌ డివిజన్‌లో 29.91 శాతం ఓట్లు పోలయ్యాయి. మొత్తంగా జమ్ముకశ్మీర్‌లోని 18 జిల్లాల్లో 51 శాతం మంది తమ ఓటు హక్కు వినియోగించుకున్నారు. ఓట్లను ఈనెల 22న లెక్కించనున్నారు.