ముంబై: బాలీవుడ్ నటుడు సోనూ సూద్ కరోనా విపత్తు వేళ తన పెద్ద మనసును చాటుకుంటూనే ఉన్నాడు. ఇన్నాళ్లూ కరోనా వల్ల కష్టాలు పడిన వారికి అండగా నిలిచిన ఈ రియల్ హీరో.. ఇప్పుడు వ్యాక్సినేషన్పై దృష్టి సారించాడు. ముఖ్యంగా గ్రామీణ భారతానికి వ్యాక్సినేషన్లో అండగా ఉండటానికి ఓ కొత్త కార్యక్రమం ప్రారంభించాడు. దాని పేరు COVREG. ఈ కార్యక్రమంలో భాగంగా వ్యాక్సిన్ల కోసం గ్రామీణులు రిజిస్టర్ చేసుకోవడంలో సాయం చేయడానికి వలంటీర్లు ఉంటారు.
గ్రామీణ ప్రాంతాల్లో వ్యాక్సిన్ల సమస్యలను పరిష్కరించడానికే తాను ఈ COVREG కార్యక్రమం ప్రారంభిస్తున్నట్లు సోనూ ఓ ప్రకటనలో చెప్పాడు. ఈ COVREGను కేంద్ర ఆరోగ్య శాఖ ఆమోదించింది. ఇదొక అప్లికేషన్ సర్వీస్ ప్రొవైడర్గా గుర్తించింది. ఓ స్మార్ట్ఫోన్, 4జీ నెట్వర్క్ ఉన్న ఎవరైనా www.covreg.inలో రిజిస్టర్ చేసుకొని వలంటీర్గా మారొచ్చని సోనూ సూద్ చెప్పాడు.
వ్యాక్సిన్ రిజిస్ట్రేషన్లో ఇబ్బంది పడుతున్న వారికి ఈ వలంటీర్లు సాయం చేస్తారని తెలిపాడు. ఈ మహమ్మారిని జయించాలంటే వ్యాక్సినేషనే మన ముందున్న మార్గమని అతడు స్పష్టం చేశాడు. క్షేత్రస్థాయిలో గ్రామీణ భారతం కొవిడ్ వ్యాక్సిన్ రిజిస్ట్రేషన్లో ఎదుర్కొంటున్న సమస్యలను పరిశీలించిన తర్వాతే ఈ covregను క్రియేట్ చేసినట్లు సోనూ చెప్పాడు.
వలంటీర్లు చేయాల్సిన పని