చెన్నై: చెన్నై పోలీసులు ఆరుగురు యువకుల్ని అరెస్టు చేశారు. కన్నగి నగర్కు చెందిన ఆ యువకులు బర్త్డే పార్టీలో మచ్చు కత్తితో కేక్ను కట్ చేశారు. ఈ నేపథ్యంలో ఆ యువకులపై కేసు నమోదు అయ్యింది. నిందితులను సునిల్, నవీన్ కుమార్, అప్పు, దినేశ్, రాజేశ్, కార్తిక్గా గుర్తించారు. గత ఆదివారం రోజు సునిల్ అనే యువకుడి బర్త్డేను సెలబ్రేట్ చేసుకున్నారు. కన్నగి నగర్ హౌజింగ్ బోర్డు క్వార్టర్స్లో సంబరాలు జరిగాయి. కేక్ను ఆర్డర్ చేసిన మిత్రులు.. మచ్చుకత్తితో దాన్ని కట్ చేశారు. బర్త్డే వేడుకలను రికార్డ్ చేసిన వాళ్లు దాన్ని సోషల్ మీడియాలోనూ పోస్టు చేశారు. అయితే ఓ ఫిర్యాదు ఆధారంగా పోలీసులు వారిపై కేసు బుక్ చేశారు. ప్రమాదకరమైన ఆయుధం కలిగి ఉన్న కోణంలో యువకులపై కేసు ఫైల్ చేశారు. సెలబ్రేషన్ సమయంలో భారీ స్థాయిలో మ్యూజిక్ వింటూ వారంతా న్యూసెన్స్ క్రియేట్ చేసినట్లు ఫిర్యాదులు అందాయి.