చికాగో: ఆస్ట్రాజెనికా టీకా తమకు అవసరం రాదేమో అన్న అభిప్రాయాన్ని వ్యక్తం చేశారు అమెరికా అంటువ్యాధుల సంస్థ నిపుణులు డాక్టర్ ఆంథోనీ ఫౌసీ. ఒకవేళ ఆ టీకాకు సీడీసీ నుంచి ఆమోదం దక్కినా.. తమ వద్ద కావాల్సినన్ని ఇరత టీకాలు ఉన్నాయని, ఆస్ట్రాజెనికా అవసరంరాదన్న అభిప్రాయాన్ని ఆయన వెలుబుచ్చారు. కోవిడ్19 మహమ్మారి నిర్మూలనలో కీలకంగా భావించిన ఆస్ట్రాజెనికా టీకాపై ఇప్పుడు విమర్శలు వస్తున్నాయి. ఇతర వ్యాక్సిన్ తయారీ సంస్థలతో అమెరికా అనేక ఒప్పందాలు కుదుర్చుకున్నదని, ఆ ఒప్పందాల ప్రకారం అమెరికా ప్రజలందరికీ టీకాలు ఇవ్వవచ్చు అని, ఆస్ట్రాజెనికా అవసరం తమకు రాదన్న విషయాన్ని ఆంథోనీ ఫౌసీ వెల్లడించారు. ఆస్ట్రాజెనికా టీకా తీసుకున్నవారిలో రక్తం గడ్డకడుతున్నట్లు కొన్ని కేసులు నమోదు కావడంతో ఆ టీకాపై కొన్ని దేశాలు నిషేధం విధించాయి. జాన్సన్ అండ్ జాన్సన్, నోవావాక్స్, మోడెర్నాలతో ఉన్న కాంట్రాక్టు ప్రకారం అధిక సంఖ్యలోనే తమకు కోవిడ్ టీకాలు అందనున్నట్లు ఫౌసీ తెలిపారు.