ముంబై: గతవారం స్టాక్ మార్కెట్లో ఒడిదొడుకులతో టాప్-10 కంపెనీల్లో ఏడు సంస్థల మార్కెట్ క్యాపిటలైజేషన్ గణనీయంగా పతనమైంది. ఈ ఏడు సంస్థల మార్కెట్ క్యాపిటలైజేషన్ విలువ రూ.1,07,566.64 కోట్లు తగ్గింది. ఇందులో సగం రిలయన్స్ ఇండస్ట్రీస్ మార్కెట్ క్యాపిటలైజేసన్ నష్టపోవడం ఆసక్తికర పరిణామం. ఇక బీఎస్ఈ ఇండెక్స్ సెన్సెక్స్ 849.74 పాయింట్లు కోల్పోయింది. అ
రిలయన్స్ మార్కెట్ క్యాపిటలైజేషన్ విలువ రూ.55,565.21 కోట్లు తగ్గిపోయి రూ.12,64,243.20 కోట్లకు చేరింది. హెచ్డీఎఫ్సీ బ్యాంక్ ఎం-క్యాప్ విలువ రూ.2,408.22 కోట్లు, ఐసీఐసీఐ బ్యాంక్ మార్కెట్ క్యాపిటలైజేషన్ రూ.5,467.63 కోట్ల మేరకు నష్టపోయాయి.
ఐటీ దిగ్గజాల్లో ఇన్ఫోసిస్ మార్కెట్ క్యాపిటలైజేషన్ రూ.3,751.92 కోట్లు పతనమైంది. ఇక కేంద్ర ప్రభుత్వ రంగ వాణిజ్య బ్యాంక్.. భారతీయ స్టేట్ బ్యాంక్ (ఎస్బీఐ) మార్కెట్ క్యాపిటలైజేషన్ రూ.12,494.45 కోట్ల మేరకు కోల్పోయింది.
హెచ్డీఎఫ్సీ రూ.6,313.77 కోట్లు, బజాజ్ ఫైనాన్స్ రూ.16,197.55 కోట్లు, కొటాక్ మహీంద్రా బ్యాంక్ విలువ రూ.11,681.66 కోట్ల మేరకు ఎం-క్యాప్ కోల్పోయాయి. అయితే, హెచ్యూఎల్ రూ.364.19 కోట్లు, హెచ్డీఎఫ్సీ రూ.62.77 కోట్లు, టీసీఎస్ తమ మార్కెట్ విలువకు రూ.1,812.54 కోట్లు జోడించాయి.
ఇక బీఎస్ఈలో టాప్ 10 సంస్థల్లో రిలయన్స్ ఇండస్ట్రీస్ యధాతథంగా తొలి స్థానాన్ని నిలబెట్టుకున్నది. తర్వాతీ స్థానాల్లో టీసీఎస్, హెచ్డీఎఫ్సీ బ్యాంక్, ఇన్ఫోసిస్, హెచ్యూఎల్, హెచ్డీఎఫ్సీ, ఐసీఐసీఐ బ్యాంక్, కొటక్ మహీంద్రా బ్యాంక్, ఎస్బీఐ, బజాజ్ ఫైనాన్స్ నిలిచాయి.
ఆండ్రాయిడ్ యూజర్లూ.. సిస్టమ్ అప్డేట్తో జాగ్రత్త
ధావన్, పంత్, హార్దిక్ మెరుపులు..భారత్ 329 ఆలౌట్
టయోటా కార్లు ప్రియం ఏప్రిల్ 1 నుంచి కొత్త ధరలు
ఆదానీ చేతికి కర్నూల్-వరోరా ట్రాన్సిమిషన్!
ఇక మెడికల్, డిజటల్ సహా పలు రంగాల్లోకి టాటా విస్తరణ
ఇల్లు కొనే వారికి అద్భుత అవకాశం.. సీఎల్ఎస్ఎస్ సబ్సిడీలివే..!