మొగ్గగా ఉన్న కలలన్నీ
ఎప్పుడు వికసిస్తాయో గాని
కలతల తలను కన్నీళ్ల మయం
కానీయకుంటే చాలు..!
మరణాలకు ఆవల
ఒకటేదో దోబూచులాట నడుస్తున్నప్పుడు
నిటారుగా ఆత్మగౌరవం నిలవాలంటే..
వెనకటివి, వెతలుగాని మూట
ఇప్పటి బతుకు మాటతో కట్టుకట్టాలి!
కడుపు నిండితే చాలు
మనసు నిండాల్సిన పనిలేదనే నడకతో
జీవిత రసస్థాయి నిర్జీవమైనట్లో
అలసిన రాత్రి శుభ్రంగా నిద్ర లేసినట్లో
ఒక అనే కాన్షియస్నెస్లో
నిన్ను పడేసినప్పుడు
మైదానాల్లో ప్రత్యర్థి ముఖమే కనిపించేది!
కరెన్సీని తినలేమని తెలియక
తాజాదనాన్ని మందుల పంటల
పచ్చదనంలో చూస్తున్నట్లు
మన పాటగూడ మూగదైపోయింది!
దుఃఖ పంజరంలో రెక్కలు తెగిన సందర్భాలు
ఊహల గర్భంలో విప్పారుతున్నాయి
చరిత్ర నిర్మాతలమే గాని
చిత్ర నిర్మాతలంగా లేని మనం
ఎందరి గోసలను చూసినా
ఎవరికీ చేర్చని సారంగదరియా ఘోషనం
దిగంతాలకు వినిపిస్తున్నదిప్పుడు!
జనపదాలు జీవం వెండితెర
పాదాలకు మోకరిల్లిన
జలమంతా జాలిగా గోలబెడ్తుంటే
మనదైన బతుకు వృక్షానికి
పట్టిన వేరు పురుగునూ క్షమిస్తాం
భవ్యావేశాల్లేని నిస్సార నేలలాచేస్తున్న
చీడపురుగునూ క్షమిస్తాం..!!
కొండపల్లి నీహారిణి
98663 60082