జల్పాయిగురి: బెంగాల్లో మాజీ సినీ నటి, తృణమూల్ ఎంపీ మిమి చక్రవర్తితో సెల్ఫీ దిగిన పోలింగ్ బూత్ ఆఫీసర్పై అధికారులు వేటు వేశారు. ఎంపీతో ఫోటో దిగిన అతన్ని విధుల నుంచి రిలీవ్ చేస్తున్నట్లు ఆ నియోజకర్గ అధికారి వెల్లడించారు. జాదవ్పూర్కు చెందిన ఎంపీ మిమి చక్రవర్తి.. గతంలో పాపులర్ సినిమా నటి. జల్పాయిగురిలో ఓటు వేసేందుకు వెళ్లిన ఆమెతో అక్కడ పనిచేస్తున్న బూత్ అధికారి ఫోటో దిగేందుకు ప్రయత్నించారు. నిజానికి మొదట ఆ ఆఫీసర్ను ఎంపీ నివారించారు. అలా చేస్తే తన ఉద్యోగం పోతుందని, అలాగే నీ ఉద్యోగం కూడా ఊడుతుందని ఆమె హెచ్చరించారు. అయినా పోలింగ్ ఆఫీసర్ తన కోరికను ఆపుకోలేకపోయాడు. ఓటు వేసి బయటకు వస్తున్నట్లు ఎంపీతో సెల్ఫీ దిగాడు. ఈ ఘటన పట్ల జల్పాయిగురి డీఎం మౌమితా గోద్రా మాట్లాడుతూ.. పోలింగ్ ఆఫీసర్ ప్రభుత్వ ఆంక్షలను ఉల్లంఘించారని, ఈ ఘటన తెలియగానే అతన్ని తొలగించామని, అతని స్థానంలో మరో ఆఫీసర్ను డిప్యూట్ చేసినట్లు తెలిపారు.