సోమవారం 18 జనవరి 2021
National - Nov 26, 2020 , 15:02:39

వ‌న్ నేష‌న్-వ‌న్ ఎల‌క్ష‌న్‌.. ఇండియాకు అవ‌స‌రం : ప‌్ర‌ధాని

వ‌న్ నేష‌న్-వ‌న్ ఎల‌క్ష‌న్‌.. ఇండియాకు అవ‌స‌రం : ప‌్ర‌ధాని

హైద‌రాబాద్‌:  ఆల్ ఇండియా ప్రిసైడింగ్ ఆఫీస‌ర్స్ కాన్ఫ‌రెన్స్ 80వ స‌మావేశాల సంద‌ర్భంగా ప్ర‌ధాని మోదీ వ‌ర్చువ‌ల్ సందేశం ఇచ్చారు. ఒకేసారి దేశ‌వ్యాప్తంగా ఎన్నిక‌లు నిర్వ‌హించ‌డం భార‌త్‌కు అవ‌స‌రమ‌ని ప్ర‌ధాని అన్నారు.  జ‌మిలి ఎన్నిక‌ల అంశంపై కేవ‌లం చ‌ర్చ మాత్ర‌మే కుద‌ర‌దు అని, ఇప్పుడు ఆ విధానం భార‌త్‌కు ఎంతో అవ‌స‌రమ‌ని ఆయ‌న అన్నారు.  ప్ర‌తి కొన్ని నెల‌ల‌కు ఒక‌సారి ఏదో ఒక ప్ర‌దేశంలో ఎన్నిక‌లు జరుగుతున్నాయ‌ని,  ఆ ఎన్నిక‌ల ప్ర‌భావం అభివృద్ధి ప‌నుల‌పై ఎటువంటి ప్ర‌భావం చూపుతుందో తెలుస‌ని, ఈ అంశాన్ని క్షుణ్ణంగా ప‌రిశీలించాల‌ని,  దానికి ప్రిసైడింగ్ ఆఫీస‌ర్లే మార్గ‌ద‌ర్శ‌కుల‌వుతార‌ని ప్ర‌ధాని మోదీ అన్నారు.  మ‌న రాజ్యాంగంలో ఎన్నో అంశాలు ఉన్నాయ‌ని, అయితే విధులు నిర్వ‌ర్తించ‌డ‌మే కీల‌క‌మైన అంశ‌మ‌ని ప్రధాని తెలిపారు.  విధుల నిర్వ‌హ‌ణపై మ‌హాత్మా గాంధీ చాలా ప్ర‌త్యేక‌మైన దృష్టి పెట్టార‌ని,  హ‌క్కులు-విధుల మ‌ధ్య స‌న్నిహిత సంబంధం ఉంద‌ని గాంధీ గుర్తించార‌ని ఆయ‌న తెలిపారు.  మ‌నం మ‌న విధుల‌ను నిర్వ‌ర్తిస్తే, అప్పుడు మ‌న హ‌క్కులు ఆటోమెటిక్‌గా ర‌క్షింప‌బ‌డుతాయ‌ని ప్ర‌ధాని తెలిపారు. 2008లో ఇదే రోజున పాక్‌కు చెందిన ఉగ్ర‌వాదులు ముంబైపై దాడి చేశార‌ని, విదేశీ పౌరులు, పోలీసులు ఆ దాడిలో చ‌నిపోయార‌ని గుర్తు చేశారు.  వారంద‌రికీ నివాళి అర్పిస్తున్న‌ట్లు మోదీ చెప్పారు.  ఆ గాయాల‌ను భార‌త్ ఎన్న‌టికీ మ‌రిచిపోద‌న్నారు. ఉగ్ర‌వాదాన్ని భార‌త్ కొత్త విధానాల‌తో ఎదుర్కొంటోంద‌ని, ఉగ్ర‌వాదుల‌తో పోరాడుతున్న భ‌ద్ర‌తా ద‌ళాల‌కు శిర‌స్సు వంచి న‌మ‌స్క‌రిస్తున్న‌ట్లు ప్ర‌ధాని తెలిపారు.