మెగా పవర్ స్టార్ రామ్ చరణ్ మార్చి 27న 36వ వసంతంలోకి అడుగుపెట్టనున్న విషయం తెలిసిందే. ఆయన బర్త్డేను పురస్కరించుకొని అభిమానులు వారం ముందు నుండే సేవా కార్యక్రమాలు చేపడుతున్నారు. ఇక మార్చి 26 సాయంత్రం 4.32ని.లకు శిల్పకళా వేదికగా భారీ ఎత్తున వేడుక జరిపేలా ప్లాన్ చేస్తున్నారు. ఈ వేడుకకు మెగా అభిమానులతో పాటు పలువురు సినీ హీరోలు కూడా హాజరు కానున్నారని తెలుస్తుంది.
ఇక రామ్ చరణ్ బర్త్డే సందర్భంగా ఆర్ఆర్ఆర్ చిత్రం నుండి సర్ప్రైజ్ పోస్టర్ రివీల్ చేయనున్నట్టు ఇప్పటికే మేకర్స్ ప్రకటించారు. ఈ పోస్టర్ ఫైరింగ్గా ఉంటుందని, ప్రేక్షకులకు అమితమైన ఆనందాన్ని ఇస్తుందని చెప్పుకొస్తున్నారు. మరోవైపు మగధీర సినిమా ను ప్రసాద్స్ లో ప్రత్యేక షో వేయబోతున్నట్లుగా కూడా తెలుస్తోంది. ఇక చరణ్ పుట్టిన రోజు సందర్బంగా అభిమానులు తెలుగు రాష్ట్రాల వ్యాప్తంగా పలు సేవా కార్యక్రమాలు నిర్వహించేందుకు కూడా ఏర్పాట్లు చేస్తున్నారు.