గురువారం 04 జూన్ 2020
National - Feb 07, 2020 , 00:55:30

బీజేపీలో సీఎం అభ్యర్థులే లేరు: ఢిల్లీ సీఎం కేజ్రీవాల్‌

బీజేపీలో సీఎం అభ్యర్థులే లేరు: ఢిల్లీ సీఎం కేజ్రీవాల్‌

న్యూఢిల్లీ: దేశ రాజధాని ఢిల్లీలో సీఎం అయ్యే సామర్థ్యం గల బీజేపీ నేతలు ఒక్కరూ లేరని ఆమ్‌ఆద్మీ పార్టీ (ఆప్‌) కన్వీనర్‌, ఢిల్లీ సీఎం అరవింద్‌ కేజ్రీవాల్‌ అన్నారు. ఢిల్లీ అసెంబ్లీ ఎన్నికల్లో తమను మళ్లీ గెలిపిస్తే ఇప్పటి వరకు అమలులో ఉన్న ఉచిత పథకాలతోపాటు కొత్త పథకాలనూ అమలు చేస్తామని గురువారం పీటీఐకిచ్చిన ఇంటర్వ్యూ లో చెప్పారు.  అనధికారిక కాలనీల్లో ఇండ్ల రిజిస్ట్రేషన్‌తోపాటు షాహీన్‌ బాగ్‌ వద్ద ఆందోళన చేస్తున్న వారికి అక్కడి నుంచి తొలిగించటం వరకూ కేంద్రం చేసిందేమీ లేదన్నారు. బీజేపీ .. సంబిత్‌ పాత్రా, అనురాగ్‌ ఠాకూర్‌లను సీఎం అభ్యర్థులుగా ప్రకటించవచ్చు గదా? సీఎం అభ్యర్థెవరో తెలియనప్పుడు బీజేపీకి ఓటేందుకు వేయాలని ప్రజలు ప్రశ్నిస్తున్నారు’ అని పేర్కొన్నారు. 




logo