బుధవారం 25 నవంబర్ 2020
National - Nov 11, 2020 , 10:14:26

కేవ‌లం 12 ఓట్ల తేడాతో గ‌ట్టెక్కిన జేడీయూ అభ్య‌ర్థి

కేవ‌లం 12 ఓట్ల తేడాతో గ‌ట్టెక్కిన జేడీయూ అభ్య‌ర్థి

పాట్నా : బీహార్ అసెంబ్లీ ఎన్నిక‌ల్లో ఎన్డీయే కూట‌మిలోని బీజేపీ 74 స్థానాలు సాధించ‌గా, జేడీయూ 43 స్థానాల్లో విజ‌యం సాధించిన విష‌యం విదిత‌మే. అయితే హిల్సా నియోజ‌క‌వ‌ర్గంలో జేడీయూ పార్టీ కేవ‌లం 12 ఓట్ల తేడాతో గ‌ట్టెక్కింది. ఈ నియోజ‌క‌వ‌ర్గంలో జేడీయూకు ఆర్జేడీ గ‌ట్టి పోటీనిచ్చింది. హిల్సా నుంచి పోటీ చేసిన జేడీయూ అభ్య‌ర్థికి 61,848 ఓట్లు పోల‌వ్వ‌గా, ఆర్జేడీ అభ్య‌ర్థికి 61,836 ఓట్లు వ‌చ్చాయి. 

అయితే మొద‌ట్లో ఈ నియోజ‌క‌వ‌ర్గంలో ఆర్జేడీ అభ్య‌ర్థి శ‌క్తి సింగ్ యాద‌వ్ 547 ఓట్ల మెజార్టీతో గెలిచిన‌ట్లు రిట‌ర్నింగ్ ఆఫీస‌ర్ ప్ర‌క‌టించారు. కానీ కాసేప‌టికే చీఫ్ మినిస్ట‌ర్ ఇంటి నుంచి రిట‌ర్నింగ్ ఆఫీస‌ర్‌కు కాల్ రావ‌డంతో.. ఆర్జేడీ అభ్య‌ర్థి 12 ఓట్ల తేడాతో ఓడిపోయిన‌ట్లు తెలిపారు. పోస్ట‌ల్ బ్యాలెట్ ఓట్ల‌ను ర‌ద్దు చేయ‌డం వ‌ల్లే ఆర్జేడీ అభ్య‌ర్థి ఓడిపోయిన‌ట్లు రిట‌ర్నింగ్ ఆఫీస‌ర్ ప్ర‌క‌టించార‌ని ఆ పార్టీ ఆరోపించింది. 

ఈ ట్వీట్‌పై ఎన్నిక‌ల అధికారులు స్పందిస్తూ త‌మ‌పై ఎలాంటి రాజ‌కీయ ఒత్తిళ్లు లేవ‌ని స్ప‌ష్టం చేశారు. జేడీయూ అభ్య‌ర్థి కృష్ణ‌మురారి శ‌ర‌ణ్‌కు 232 పోస్ట‌ల్ బ్యాలెట్లు, శ‌క్తిసింగ్ యాద‌వ్‌కు 233 ఓట్లు పోలైన‌ట్లు తెలిపారు.