e-Paper

Advertisement

E-Paper

Apps

Book Your Copy

Visit Telangana Today

Saturday, September 18, 2021
Home Top Slides హిట్‌ అండ్‌ రన్‌లో మరణిస్తే రూ. 2 లక్షలు

హిట్‌ అండ్‌ రన్‌లో మరణిస్తే రూ. 2 లక్షలు

  • తీవ్రగాయాలపాలైతే రూ. 50 వేలు
  • కేంద్రం కొత్త రూల్స్‌.. త్వరలో ఆమోదం

న్యూఢిల్లీ, ఆగస్టు 3: గుర్తుతెలియని వాహన ప్రమాదంలో (హిట్‌ అండ్‌ రన్‌ కేసులు) మరణించిన బాధిత కుటుంబాలకు ఇచ్చే నష్టపరిహారాన్ని ప్రభుత్వం ఎనిమిది రెట్లు పెంచనున్నది. ఈ తరహా కేసుల్లో గాయపడిన బాధితులకు చెల్లించే పరిహారాన్ని నాలుగు రెట్లు పెంచనున్నారు. అలాగే పరిహారం విడుదలలో జాప్యం లేకుండా తగిన చర్యలు చేపట్టనున్నారు. ఈ మేరకు రోడ్డు ప్రమాదాల్లో ప్రాణాలు విడిచిన లేదా గాయాలపాలైన బాధితులకు సత్వర ఆర్థిక సాయం అందించడానికి కేంద్రప్రభుత్వం పలు కీలక నిర్ణయాలు తీసుకోనున్నట్టు తెలుస్తున్నది. దీనికి సంబంధించిన నిబంధనలపై ఇప్పటికే కేంద్ర రోడ్డు, రవాణా మంత్రిత్వ శాఖ తుది నిర్ణయం తీసుకున్నట్టు సంబంధిత వర్గాలు తెలిపాయి. త్వరలో వీటిని ఆమోదించనున్నట్టు సమాచారం.

కొత్త నిబంధనల ప్రకారం..

  • హిట్‌ అండ్‌ రన్‌ కేసులో బాధితుడు మరణిస్తే, ఆ వ్యక్తి కుటుంబానికి ప్రభుత్వం రూ. 2 లక్షలు చెల్లిస్తుంది. ప్రస్తుతం ఇది రూ. 25 వేలుగా ఉన్నది.
  • హిట్‌ అండ్‌ రన్‌ కేసులో బాధితుడు తీవ్రంగా గాయపడితే ప్రభుత్వం రూ. 50 వేలు నష్టపరిహారంగా చెల్లిస్తుంది. ప్రస్తుతం ఇది రూ. 12,500గా ఉన్నది.
  • ప్రమాదానికి కారణమైన వాహనం ఆచూకీ దొరకని సందర్భంలోనే పై రెండు నిబంధనలు వర్తిస్తాయి.
  • హిట్‌ అండ్‌ రన్‌ కేసులో ప్రమాదానికి కారణమైన వాహనం, నిందితుడు పట్టుబడినప్పుడు నష్టపరిహారంలో మార్పులు ఉంటాయి. ఈ తరహా కేసుల్లో బాధిత వ్యక్తి మరణిస్తే అతని కుటుంబానికి రూ. 5 లక్షలు (ప్రస్తుతం ఇది రూ. 50 వేలుగా ఉన్నది), గాయపడినవారికి రూ. 2.5 లక్షలు చెల్లిస్తారు. ఈ పరిహారాన్ని వాహన యజమాని లేదా వాహన బీమా సంస్థ చెల్లిస్తుంది.
- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana