చండీగఢ్: ఇండియన్ టీమ్ మాజీ క్రికెటర్ నవ్జ్యోత్ సింగ్ సిద్ధూకి సిక్సర్ల సిద్ధూగా పేరుంది. తాను ఆడే రోజుల్లో సిక్సర్లు కొట్టడంలో దిట్టగా ఆయనకు పేరుంది. ఇప్పుడు పంజాబ్ కాంగ్రెస్ చీఫ్ అయిన తర్వాత కూడా సిక్స్ కొడతానన్నట్లుగా సిద్ధూ స్టేజ్పైనే ఓ షాట్ ఆడారు. ఆ సమయంలో సీఎం అమరీందర్ ఆ పక్కనే కూర్చున్నారు. పంజాబ్ పీసీసీ చీఫ్గా ప్రమాణం స్వీకారం కార్యక్రమంలో సిద్ధూ ఇలా చేశారు. ఈ వీడియో ఇప్పుడు వైరల్ అవుతోంది. పంజాబ్ సీఎంగా అమరీందర్ను దించాల్సిందే అంటూ పోరాడిన సిద్ధూ చివరికి పీసీసీ చీఫ్ పదవిని దక్కించుకున్నారు. ఆయనకు ఈ పదవి ఇవ్వడాన్ని అమరీందర్ తీవ్రంగా వ్యతిరేకించారు. అయితే ఈ ఇద్దరూ శుక్రవారం చాయ్ పే చర్చ అంటూ తమ మధ్య విభేదాలను పరిష్కరించుకునే ప్రయత్నం చేశారు.
ప్రమాణ స్వీకారం చేయాల్సిందిగా తన పేరును పిలవగానే.. సిద్ధూ నిజంగానే బ్యాటింగ్ చేయడానికి వెళ్తున్నట్లుగా వామప్ చేస్తూ కుర్చీలో నుంచి లేచి ఓ సిక్సర్ షాట్ ఆడుతున్నట్లుగా చేతులు ఊపారు. ప్రమాణ స్వీకారానికి ముందు పంజాబ్ భవన్లో అమరీందర్కు రెండు చేతులు జోడించి స్వాగతం పలికారు సిద్దూ. ఎలా ఉన్నారు? మీరు రావడం సంతోషంగా ఉందని ఈ సందర్భంగా సిద్ధూ అన్నారు.