మహారాష్ట్రలో తొలిసారి రెండు వేలలోపు కరోనా కేసులు

ముంబై: మహా­రా­ష్ట్రలో తొలిసారి రెండు వేలలోపు కరోనా కేసులు నమోదయ్యాయి. ఆ రాష్ట్రంలో వైరస్ వ్యాప్తి కొంత తగ్గి­న­ప్ప­టికి ప్రతిరోజు మూడు వేల వరకు పాజి­టివ్ కేసులు, 50కి పైగా కరోనా మర­ణాలు సంభ­వి­స్తు­న్నాయి. అయితే ఆదివారం నుంచి సోమవారం వరకు కొత్తగా 1,842 కరోనా కేసులు, 30 మర­ణాలు నమో­ద­య్యాయి. దీంతో మహా­రా­ష్ట్రలో మొత్తం కరోనా కేసుల సంఖ్య 20,10,948కు, మర­ణాల సంఖ్య 50,815కు చేరింది.

మరో­వైపు గత 24 గంటల్లో 3,080 మంది కరోనా రోగులు కోలు­కుని ఆసు­ప­త్రుల నుంచి డిశ్చార్జ్ అయ్యారు. దీంతో కరోనా నుంచి కోలు­కున్న వారి మొత్తం సంఖ్య 19,15,344కు చేరి­నట్లు ఆ రాష్ట్ర ఆరో­గ్య­శాఖ తెలి­పింది. ప్రస్తుతం రాష్ట్రంలో 43,561 యాక్టివ్ కేసులు ఉన్నట్లు వెల్ల­డిం­చింది. కాగా, దేశ­వ్యా­ప్తంగా కరోనా కేసులు, మర­ణాల సంఖ్యలో మహా­రాష్ట్ర తొలి­స్థా­నంలో కొన­సా­గుతున్నది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.