నైట్ క‌ర్ఫ్యూ విధించేందుకు క‌లెక్ట‌ర్ల‌కు అనుమ‌తి

ముంబై: దేశంలో క‌రోనా మ‌హ‌మ్మారి ఇప్పుడిప్పుడే త‌గ్గుముఖం ప‌డుతున్న‌ది. అయితే ఇంత‌లోనే యూకేలో క‌రోనా మ‌హ‌మ్మారి కొత్త రూపు సంత‌రించుకుని విస్త‌రిస్తుండ‌టం, యూకే నుంచి మ‌న దేశానికి వ‌చ్చిన ప‌లువురికి క‌రోనా పాజిటివ్ రావ‌డం ఆందోళ‌న క‌లిగిస్తున్న‌ది. ఈ నేప‌థ్యంలో దేశంలోని ప‌లు రాష్ట్రాలు ముందు జాగ్ర‌త్త చ‌ర్య‌లు చేప‌డుతున్నాయి. అందులో భాగంగా క‌ర్ణాట‌క స‌హా కొన్ని రాష్ట్రాలు నైట్ క‌ర్ఫ్యూ విధించాయి.

తాజాగా మ‌హారాష్ట్ర సైతం రాష్ట్రంలో నైట్ క‌ర్ఫ్యూ విధించేందుకు సిద్ధ‌మైంది. ఈ మేర‌కు జిల్లాల్లో క‌లెక్ట‌ర్‌లు వారివారి అధికార ప‌రిధి మేర‌కు నైట్ క‌ర్ఫ్యూ విధించుకునేందుకు మ‌హారాష్ట్ర ప్ర‌భుత్వం అనుమ‌తించింది. అయితే త‌మ జిల్లాలో నైట్ క‌ర్ఫ్యూ విధించాల‌ని నిర్ణ‌యించుకున్న క‌లెక్ట‌ర్‌లు, ఆ నిర్ణ‌యాన్ని అమ‌లు చేయ‌డానికి ముందు రాష్ట్ర ప్ర‌భుత్వ ప్ర‌ధాన కార్య‌ద‌ర్శి అనుమ‌తి తీసుకోవాల‌ని మ‌హారాష్ట్ర స‌ర్కారు సూచించింది.