అభిరామ్, వెన్నెల జంటగా నటిస్తున్న చిత్రం ‘కథంటే ఇదేరా’. దాసరి ప్రతిమ నిర్మాత. హరీష్ చావా దర్శకుడు. ఈ చిత్ర ఫస్ట్లుక్ను దర్శకుడు త్రినాథరావు నక్కిన విడుదలచేశారు. అనంతరం ఆయన మాట్లాడుతూ ‘టైటిల్ ఆసక్తిని రేకెత్తిస్తోంది. వినూత్నమైన ఇతివృత్తంతో తెరకెక్కుతున్న ఈ చిత్రం పెద్ద విజయాన్ని సాధించాలి’ అని తెలిపారు. ‘సందేశాత్మక కథాంశంతో రూపుదిద్దుకుంటున్న ప్రేమకథా చిత్రమిది. ఓ జంట ప్రణయప్రయాణంలో ఎదురైన సంఘటనలు ఆసక్తిని పంచుతాయి’ అని చిత్ర దర్శకుడు అన్నారు.