మంగళవారం 04 ఆగస్టు 2020
National - Jul 23, 2020 , 16:17:59

కేరళ అసెంబ్లీ సమావేశాలు రద్దు

కేరళ అసెంబ్లీ సమావేశాలు రద్దు

తిరువనంతపురం: కేరళలో ఈ నెల 27 నుంచి జరుగాల్సిన అసెంబ్లీ సమావేశాలు రద్దయ్యాయి. రాష్ట్రంలో కరోనా కేసుల సంఖ్య పెరుగుతుండటంతో ప్రభుత్వం ఈ నిర్ణయం తీసుకున్నది. గురువారం నిర్వహించిన మంత్రివర్గ సమావేశంలో ఈ మేరకు తీర్మానించింది. మరోవైపు కేరళలో రాష్ట్రవ్యాప్తంగా పూర్తిగా లాక్‌డౌన్ విధించే యోచనలో ప్రభుత్వం ఉన్నది. సోమవారం జరుగనున్న ప్రత్యేక క్యాబినెట్ సమావేశంలో దీనిపై నిర్ణయం తీసుకోనున్నది.

తిరువనంతపురంలోని తీర ప్రాంతాల్లో కరోనా వ్యాప్తి తీవ్రంగా ఉన్నది. ఈ ప్రాంతంలో వైరస్ సామూహిక వ్యాప్తి దశకు చేరిందన్న అనుమానాన్ని సీఎం విజయన్ ఇటీవల వ్యక్తం చేశారు. ఈ నేపథ్యంలో ఇప్పటికే తిరువనంతపురం పరిధిలోని ప్రాంతాల్లో లాక్‌డౌన్ అమలు చేస్తున్నారు. కరోనా కేసుల నమోదులో మార్పు‌లేని పక్షంలో రాష్ట్రవ్యాప్తంగా లాక్‌డౌన్ విధించాలని ప్రభుత్వం భావిస్తున్నది. కేరళలో కరోనా కేసుల సంఖ్య 15 వేలు దాటగా, ఇప్పటి వరకు 44 మంది మరణించారు.



logo