నాగ చైతన్య, సాయి పల్లవి ప్రధాన పాత్రలలో శేఖర్ కమ్ముల తెరకెక్కించిన చిత్రం లవ్ స్టోరీ. ఇటీవల ఈ సినిమా నుండి విడుదలైన సారంగదరియా పాటకు ఏరేంజ్లో రెస్పాన్స్ వస్తున్న సంగతి తెలిసిందే. మంగ్లీ పాటకు సాయి పల్లవి స్టెప్పులు జతకలవడంతో ఈ పాటకు ఇప్పటికే 57మిలియన్ల వ్యూస్ దాటిపోయాయి. ప్రతి ఒక్కరిని ఎంతగానో అలరించిన ఈ పాట సోషల్ మీడియాను షేక్ చేస్తుంది.
ఇక సూపర్ హిట్ అయిన సారంగదరియా పాట వివాదం గురించి అందరికి తెలిసిందే. ఈ పాట తనదని, ఈ పాటని సినిమాలో నాతో పాడించాలని కోమలి డిమాండ్ చేయగా, పలువురి జోక్యంతో వివాదం సద్ధుమణిగింది. శేఖర్ కమ్ముల గారిని కలిసానని చెప్పిన కోమలి, ఆయన తర్వాతి సినిమాలో ఛాన్స్ ఇవ్వడంతో పాటు ఆడియో ఫంక్షన్లో నాతో మాట్లాడిస్తానని అన్నారు. ఇక ఈ పాట విషయంలో నాకు ఎలాంటి అభ్యంతరం లేదు అని కోమలి చెప్పుకొచ్చింది. ఇది మిస్ కమ్యునికేషన్ వలన జరిగింది, పాట వివాదం ముగిసిపోయిందని శేఖర్ కమ్ముల చెప్పుకొచ్చారు.