HomeNationalHow To Identify Fake Covid 19 Vaccines
వ్యాక్సిన్ అసలైనదా లేదా నకిలీదా అని ఎలా తెలుసుకోవచ్చు?
న్యూఢిల్లీ: నకిలీ కరోనా వ్యాక్సిన్లు మార్కెట్లో సరఫరా అవుతున్నాయి. ఈ నేపథ్యంలో వ్యాక్సిన్ అసలైనదా లేదా నకిలీదా అని గుర్తించేందుకు కేంద్ర ప్రభుత్వం రాష్ట్ర ప్రభుత్వాలకు కొన్ని మార్గదర్శకాలు జారీ చేసింది. అవి ఏమంటే..
కోవిషీల్డ్ వ్యాక్సిన్ అసలైనదా కాదా అని ఎలా తనిఖీ చేయాలి?
సీరం ఇనిస్టిట్యూట్ ఆఫ్ ఇండియా (SII) ఉత్పత్తి లేబుల్ షేడ్ ముదురు ఆకుపచ్చగా ఉంటుంది. అల్యూమినియం ఫ్లిప్ ఆఫ్ సీల్ రంగు కూడా ముదురు ఆకుపచ్చగా ఉంటుంది.
సీరం ఇనిస్టిట్యూట్ ఆఫ్ ఇండియా (SII) లోగో ఒక ప్రత్యేకమైన కోణం, స్థితిలో ముద్రించబడి ఉంటుంది. ఈ ఖచ్చితమైన వివరాల గురించి తెలిసిన కొంతమంది మాత్రమే దీనిని గుర్తించగలరు.
ట్రేడ్మార్క్తో ఉన్న బ్రాండ్ పేరు అసలు టీకాపై ఉంటుంది.
అక్షరాలు మరింత స్పష్టంగా, చదవగలిగేలా ప్రత్యేక తెల్ల సిరాతో ముద్రించి ఉంటాయి.
సాధారణ పేరు టెక్స్ట్ ఫాంట్ అన్ బోల్డ్లో ఉంటుంది.
మొత్తం లేబుల్కు ప్రత్యేక తేనెగూడు డిజైన్ ఉంటుంది. ఇది ఒక నిర్దిష్ట కోణంలో మాత్రమే కనిపిస్తుంది.
తేనెగూడు డిజైన్ వ్యూహాత్మక ప్రదేశాలలో కొద్దిగా మార్పులుంటాయి. ఆకృతి రూపకల్పనకు కొన్ని అదనపు ప్రత్యేక అంశాలు జోడించారు. అవి సాధారణంగా ప్రజలకు కనిపించవు. కానీ సూక్ష్మ మార్పుల గురించి తెలిసిన వారు లేబుల్, సీసా యొక్క ప్రామాణికతను సులభంగా తనిఖీ చేయవచ్చు మరియు ధృవీకరించవచ్చు.
“CGS అమ్మకానికి కాదు” అని లేబుల్పై ముద్రించి ఉంటుంది.
కోవాక్సిన్ టీకా ప్రామాణికతను ఎలా తనిఖీ చేయాలి?
భారత్ బయోటెక్ తయారీ కోవాక్సిన్ లేబుల్లో కనిపించని UV హెలిక్స్ లేదా DNA లాంటి నిర్మాణం ఉంది. ఇది UV కాంతి కింద మాత్రమే కనిపిస్తుంది.
లేబుల్లో దాగి ఉన్న మైక్రో టెక్స్ట్ డాట్స్ రూపంలో కోవాక్సిన్ అని దానిపై రాసి ఉంటుంది.
కోవాక్సిన్ వ్యాక్సిన్పై ఉండే X లో ఆకుపచ్చ రేకు ఉంటుంది.
కోవాక్సిన్ మీద హోలోగ్రాఫిక్ కూడా ఉంటుంది.
స్పుత్నిక్ వీ వ్యాక్సిన్ నకిలీదా కాదా అని తెలుసుకోవడం ఎలా?
రష్యా కోవిడ్ -19 వ్యాక్సిన్ను ఉత్పత్తి చేసే రెండు బల్క్ తయారీ సైట్లకు వేర్వేరు లేబుల్స్ ఉంటాయి. తయారీదారు పేరు మినహా అన్ని ఇతర సమాచారం, డిజైన్ ఒకే విధంగా ఉంటాయి.
ఇప్పటి వరకు దిగుమతి చేసుకున్న అన్ని ఉత్పత్తుల ప్యాక్ కార్టన్ ముందు, వెనుక మాత్రమే ఇంగ్లీష్ లేబుల్ అందుబాటులో ఉంది. టీకా ఆంపౌల్లోని ప్రాథమిక లేబుల్తో సహా అన్ని ఇతర వైపులా రష్యన్ లిపిలో ఉంటాయి.