ఆర్ఎక్స్ 100 చిత్రంతో అందరి దృష్టిని ఆకర్షించిన అందాల ముద్దుగుమ్మ పాయల్ రాజ్పుత్. ఈ సినిమా తర్వాత పాయల్కు పలు ఆఫర్స్ వచ్చినప్పటికీ మంచి హిట్ అనేది ఒక్కటి కూడా లేదు. దీంతో ఈ అమ్మడు సోషల్ మీడియానే నమ్ముకుంది. ఇందులో రెగ్యులర్గా ఫొటోషూట్స్కు సంబంధించిన ఫొటోలు షేర్ చేస్తూ నెటిజన్స్ను అలరిస్తూ ఉంటుంది. అలానే అభిమానులతో రెగ్యులర్గా చాటింగ్ చేస్తూ ఇంట్రెస్టింగ్ సమాధానాలు ఇచ్చి వార్తలలో నిలుస్తూ ఉంటుంది.
ఆ మధ్య పాయల్ రాజ్పుత్ తన చిన్ననాటి స్నేహితుడు సౌరభ్ డింగ్రాతో ప్రేమాయణంలో ఉన్నట్టు చెప్పుకొచ్చిన విషయంలో తెలిసిందే. తాజాగా అతడు అభిమానులతో చిట్ చాట్ చేయగా, ఓ నెటిజన్ పాయల్ నెంబర్ అడిగాడు. దీనికి సౌరభ్.. పాయల్ను ట్యాగ్ చేసి ఈ ప్రశ్నకు సమాధానం ఆమె ఇస్తేనే బాగుంటుందని అన్నాడు. అయితే పాయల్ దీనిపై స్పందిస్తూ పోలీస్ కంట్రోల్ రూమ్ టోల్ ఫ్రీ నంబర్ 100 అని బదులిచ్చింది. ఈ హాట్ బ్యూటీ సెన్సాఫ్ హ్యూమర్పై నెటిజన్స్ ప్రశంసలు కురిపిస్తున్నారు.