బంగారం ధరలు ఎలా ఉన్నాయంటే...

ముంబై: బంగారం ధరలు గత సెషన్‌లో స్వల్పంగా తగ్గాయి. అయితే రూ.49,000కు పైనే ఉన్నాయి. సిల్వర్ ఫ్యూచర్స్ రూ.200కు పైగా పెరిగింది. అంతకుముందు నాలుగు సెషన్‌లలో పసిడి పెరిగిన విషయం తెలిసిందే. మొత్తంగా ఈ వారంలో పసిడి రూ.1200 పెరిగింది. అంతర్జాతీయ మార్కెట్లోను 1850 డాలర్ల సమీపానికి చేరుకుంది. డాలర్ వ్యాల్యూ ఈ వారం క్షీణించడం, అమెరికా ఆర్థిక ప్యాకేజీపై అంచనాలు వంటి అంశాల వల్ల పసిడి ఎగిసిందని బులియన్ మార్కెట్ నిపుణులు అంటున్నారు.

సమీపకాలంలో దేశీయ ఫ్యూచర్ మార్కెట్లో బంగారం ధరలు ఇదే స్థాయిలో ఉండవచ్చునని భావిస్తున్నారు. రూ.48,000 నుండి రూ.50,250 మధ్య ఉండవచ్చునని అంటున్నారు. ఆగస్ట్ నెలలో 10 గ్రాముల పసిడి రూ.56,200 పలికింది. అంతర్జాతీయ మార్కెట్లో మరికొద్ది రోజులు 1900 డాలర్లకు దిగువనే ఉంటుందని అంటున్నారు.