కన్నూర్ ఎయిర్‌పోర్టులో బంగారం ప‌ట్టివేత‌

కన్నూర్‌‌: కేర‌ళలోని క‌న్నూర్ విమానాశ్ర‌యంలో దొంగ బంగారం ప‌ట్టుబ‌డింది. ఎయిర్‌పోర్టులోని ఎయిర్ ఇంటెలిజెన్స్ విభాగానికి చెందిన అధికారులు దుబాయ్ నుంచి వ‌చ్చిన ఓ ప్ర‌యాణికుడి నుంచి 1678.50 గ్రాముల బంగారం మిశ్ర‌మాన్ని స్వాధీనం చేసుకున్నారు. స‌ద‌రు ప్ర‌యాణికుడు బంగారం మిశ్ర‌మాన్ని ఒక పాలీథిన్ క‌వ‌ర్‌లో నింపి అక్ర‌మంగా త‌ర‌లించే ప్ర‌య‌త్నం చేశాడ‌ని అధికారులు చెప్పారు. ఈ ఘ‌ట‌న‌పై కేసు న‌మోదు చేసి నిందితుడిని అదుపులోకి తీసుకున్న‌ట్లు తెలిపారు. కేసులో త‌దుప‌రి ద‌ర్యాప్తు కొన‌సాగుతుంద‌న్నారు.    

లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.