సోమవారం 10 ఆగస్టు 2020
National - Jul 29, 2020 , 14:48:57

భారత గగనతలంలోకి ప్రవేశించిన రాఫెల్‌..వీడియో

భారత గగనతలంలోకి ప్రవేశించిన రాఫెల్‌..వీడియో

న్యూఢిల్లీ:  ఫ్రాన్స్ నుంచి బయలుదేరిన  ఐదు రాఫెల్‌ యుద్ధ విమానాలు మరికాసేపట్లో  హర్యానాలోని అంబాలా  వాయుసేన బేస్‌లో దిగనున్నాయి.   దాదాపు 7 వేల కిలోమీటర్లు ప్రయాణించి భారత్  చేరుకున్నాయి.  ఇందులో రెండు శిక్షణ విమానాలు, మూడు యుద్ధ విమానాలు ఉన్నాయి. మార్గమధ్యలో  యూఏఈలో అల్‌దఫ్రా ఎయిర్‌బేస్‌లో ఇంధనం నింపుకున్నాయి.  చైనాతో సరిహద్దుల్లో ఉద్రిక్తతల దృష్ట్యా ఈ విమానాలను లఢఖ్‌ సెక్టార్‌లో మోహరించనున్నారు. 

 భారత గగనతలంలోకి ప్రవేశించిన రాఫెల్‌ విమానాలకు రక్షణగా రెండు సుఖోయ్(SU30 MKI)‌ జెట్స్‌ తోడుగా  ఉన్నాయి.  ముంబై మీదుగా అంబాలా ఎయిర్‌బేస్‌కు వస్తున్నాయి. శుత్రు శిబిరాలను క్షణాల్లో ధ్వంసం చేసే సామర్థ్యం వీటి సొంతం. ఫ్రాన్స్‌ నుంచి కొనుగోలు చేసిన 36 రాఫెల్‌ యుద్ధవిమానాల్లో  ప్రస్తుతం  ఐదు  యుద్ధవిమానాలు   అంబాలా చేరుకోనున్నాయి.

చైనా స్వయంగా తయారు చేసుకున్న చెంగ్డూ జే-20, చైనాలో తయారై పాక్‌ వాయుసేనకు చేరిన జేఎఫ్‌-17తో పోలిస్తే రాఫెల్‌ పలు విషయాల్లో మెరుగైనదని సైనిక నిపుణులు చెబుతున్నారు.



logo