ఆదివారం 27 సెప్టెంబర్ 2020
National - Aug 12, 2020 , 11:36:12

తండ్రి కోలుకోవాల‌ని ప్రార్థించిన శ‌ర్మిష్ట ముఖ‌ర్జీ

తండ్రి కోలుకోవాల‌ని ప్రార్థించిన శ‌ర్మిష్ట ముఖ‌ర్జీ

హైద‌రాబాద్‌: మాజీ రాష్ట్రపతి ప్రణబ్‌ ముఖర్జీ ఆరోగ్యం ఇంకా విషమంగానే ఉన్నది. ఆయనకు మెదడులో ఓ అడ్డంకి ఏర్పడటంతో సోమవారం ఢిల్లీలోని ఆర్మీ రిసెర్చ్‌, రిఫరల్‌ దవాఖానలో శస్త్రచికిత్స చేసిన విషయం తెలిసిందే. ఈ నేప‌థ్యంలో త‌న తండ్రి కోలువాల‌ని ప్ర‌ణ‌బ్‌ కుమార్తె శ‌ర్మిష్ట ప్రార్థించారు. ఇవాళ ట్విట్ట‌ర్‌లో ఆమె స్పందిస్తూ.. గ‌త ఏడాది ఆగ‌స్టు 8వ తేదీన త‌న తండ్రి భార‌త్ ర‌త్న అవార్డును అందుకున్నార‌ని, ఆ రోజు త‌న‌కు ఎంతో ఆనందాన్ని ఇచ్చింద‌ని, కానీ ఏడాది త‌ర్వాత ఆగ‌స్టు 10వ తేదీన ఆయ‌న ఆరోగ్యం క్షీణించింద‌న్నారు.  ఇలాంటి స‌మ‌యంలో దేవుడు త‌న తండ్రికి మంచి చేయాల‌ని ఆశించారు. 

విప‌త్క‌ర స‌మ‌యంలో ఆనందాన్ని, బాధ‌ను త‌ట్టుకునే శ‌క్తిని త‌న‌కు ఇవ్వాలంటూ ఆమె ప్రార్థించారు. ప్ర‌ణ‌బ్ ఆరోగ్యం గురించి ఆందోళ‌న చెందుతున్న‌వారంద‌రికీ శ‌ర్మిష్ట‌ ధ‌న్య‌వాదాలు తెలిపారు. స‌ర్జ‌రీ సంద‌ర్భంగా నిర్వహించిన వైద్య పరీక్షల్లో ప్ర‌ణ‌బ్‌కు కరోనా సోకినట్లు వెల్లడైంది. ఈ నేపథ్యంలో ప్రణబ్‌ ఆరోగ్యం క్షీణించడంతో ఆయనను వెంటిలేటర్‌పై ఉంచి చికిత్స అందిస్తున్నారు. ఆయన ఆరోగ్యం మంగళవారం కూడా ఇంకా విషమంగానే ఉన్నట్లు డాక్టర్లు చెప్పారు.



logo