జొహానెస్బర్గ్: టిమ్మీ మోజర్ తన గర్ల్ ఫ్రెండ్ తో కలిసి బైకింగ్ కు వెళ్లినప్పుడు జిరాఫీలతో గడిపే అవకాశం లభించింది. దక్షిణాఫ్రికాలోని జొహానెస్బర్గ్ సమీపంలో లయన్ అండ్ సఫారీ పార్కులో ఈ సంఘటన జరిగింది. వారు పార్కులో అలా అలా సైకిళ్లపై తిరుగుతుండగా ఓ కొండదారి వద్ద జిరాఫీల మంద ఎదురైంది. ఏడు దాకా జిరాఫీలు ఉన్నాయి. అందులో ఒకటి రోడ్డుకు అడ్డంగా నిల్చున్నది. పార్కు సిబ్బంది సూచన మేరకు మోజర్, అతని గర్ల్ ఫ్రెండ్ అక్కడే ఆగిపోయారు. ఓ గంట సేపు వాటిని అతి సమీపం నుండి గమనిస్తూ గడిపారు. ఒక జిరాఫీ మాత్రం మరీ దగ్గరగా వచ్చింది. తన పొడవాటి మెడను వంచి వీళ్లను వాసన చూసింది. జిరాఫీ గిట్టల సైజు చూసి మోజర్ బాపురే అనుకున్నాడు. వెనుకకు జరిగిన కొద్దీ జిరాఫీ ముందుకు ముందుకు రావడంతో కొంత కంగారు పడ్డారు. కానీ అది ఏమీ అనలేదు. ఇదంతా మోజర్ తన కెమెరాలో బంధించిం ఇన్స్టాగ్రాంలో పెట్టాడు.
https://www.instagram.com/reel/CODnhJLJyxk/?utm_source=ig_embed