e-Paper

Advertisement

E-Paper

Apps

Book Your Copy

Visit Telangana Today

Wednesday, July 28, 2021
Home Top Slides కరోనాతో విద్యనాశనం

కరోనాతో విద్యనాశనం

కరోనాతో విద్యనాశనం
  • ఉన్నత విద్యను దెబ్బతీసిన మహమ్మారి
  • 60 వారాలపాటు మూతపడిన కాలేజీలు
  • దేశంలో 40-60 శాతం విద్యాభ్యాసం నష్టం
  • ఈ నష్టం పూడాలంటే మూడేండ్లు పడుతుంది
  • టీమ్‌ లీజ్‌ ఎడ్‌టెక్‌ సంస్థ నివేదికలో వెల్లడి

హైదరాబాద్‌, జూలై 17 (నమస్తే తెలంగాణ ): కరోనా మహమ్మారి విద్యారంగాన్ని దారుణంగా దెబ్బతీసింది. ముఖ్యంగా ఉన్నత చదువులు అటకెక్కాయి. ఊహకందని విధంగా అభ్యసన నష్టం జరిగింది. మనదేశంలో అభ్యసన నష్టం 40-60 శాతం ఉన్నట్టు టీమ్‌లీజ్‌ ఎడ్‌టెక్‌ సంస్థ అంచనావేసింది. ఉన్నతవిద్యను కరోనా దారుణంగా దెబ్బతీసిందని, జీ7 దేశాలతో పొల్చితే భారత్‌లోనే అధికంగా అభ్యసన నష్టం వాటిల్లిందని పేర్కొంది. ఈ నష్టాన్ని పూడ్చేందుకు మూడేండ్లు పడుతుందని అభిప్రాయపడింది. ‘కొవిడ్‌-19 లెర్నింగ్‌ లాస్‌ ఇన్‌ హయ్యర్‌ ఎడ్యుకేషన్‌’ పేరుతో టీమ్‌లీజ్‌ ఎడ్‌టెక్‌ సంస్థ ఓ నివేదికను ప్రచురించింది. దేశంలో కరోనా కారణంగా ఊపందుకొన్న ఆన్‌లైన్‌ విద్య కొందరికి కాసులు కురిపిస్తున్నదని తెలిపింది. 2016లో 1.6 మిలియన్లు ఉన్న ఆన్‌లైన్‌ ఎడ్యుకేషన్‌ యూజర్లు, 2021 నాటికి 9.6 మిలియన్లకు చేరారని వెల్లడించింది. ఆన్‌లైన్‌ విద్యా మార్కెట్‌ ఈ ఏడాదికి రూ.14,836 కోట్లకు చేరుకుంటుందని అంచనావేసింది. 2016లో ఈ మార్కెట్‌ విలువ 1,870 కోట్లు ఉండగా, దాదాపుగా 8 రెట్లు పెరిగినట్టు తెలిపింది.

నివేదికలోని ముఖ్యాంశాలు..

  • మనదేశంలో ఉన్నత విద్యలో విద్యార్థుల నమోదు 2015-16తో పొల్చితే 11.4 శాతం పెరిగింది. మహిళల నమోదు 18.2 శాతం పెరిగింది.
  • ఎక్కువమంది విద్యార్థులు అండర్‌ గ్రాడ్యుయేట్‌ కోర్సుల్లో చేరుతున్నారు. మొత్తం 3.85 కోట్ల విద్యార్థుల్లో 3.06 కోట్ల మంది (79.5 శాతం) యూజీ కోర్సుల్లో చేరగా, 43.1 లక్షల (11.2 శాతం) మంది పోస్ట్‌ గ్రాడ్యుయేషన్‌ కోర్సుల్లో చేరుతున్నారు.
  • దేశంలోని 998 యూనివర్సిటీలు 60 వారాలు మూతపడ్డాయి. ఆన్‌లైన్‌ బోధనా పద్దతులను అనుసరించినా పూర్తిస్థాయిలో ఉపయోగించుకోలేని పరిస్థితులున్నాయి.
  • జీ 7 దేశాలకంటే మన దగ్గరే అత్యధికంగా మూడు కోట్లకుపైగా విద్యార్థులున్నారు.
  • అత్యధిక వారాలపాటు విద్యాసంస్థలను మూసివేసిన దేశం కూడా భారతే.
  • మనదేశంలోని మొత్తం విద్యార్థుల్లో 10.7 శాతం మందికే సొంత కంప్యూటర్లు ఉన్నాయి. వారిలో 23.8 శాతం మందికే ఇంటర్నెట్‌ సౌకర్యం ఉన్నది.
కరోనాతో విద్యనాశనం
- Advertisement -
- Advertisement -
Advertisement
-Advertisement-

తాజావార్తలు

Advertisement
కరోనాతో విద్యనాశనం
కరోనాతో విద్యనాశనం
కరోనాతో విద్యనాశనం

ట్రెండింగ్‌

Advertisement