జూనియర్ ఎన్టీఆర్, రామ్ చరణ్ ప్రధాన పాత్రలలో రాజమౌళి తెరకెక్కిస్తున్న చారిత్రాత్మక చిత్రం ఆర్ఆర్ఆర్. డీవీవీ ఎంటర్టైన్మెంట్స్ బ్యానర్పై డీవీవీ దానయ్య పాన్ ఇండియా మూవీగా ఈ సినిమాని నిర్మిస్తున్నారు. ఈ సినిమాలో ఎన్టీఆర్కు జోడీగా హాలీవుడ్ నటి ఒలివియా మోరిస్ నటిస్తుండగా.. చరణ్కు జోడీగా బాలీవుడ్ బ్యూటీ ఆలియా నటిస్తోంది. అజయ్ దేవ్గన్ ఈ సినిమాలో ఓ కీలక పాత్రలో కనిపించనున్నారు . అక్టోబర్ 13వ తేదీన ఈ చిత్రం ప్రపంచవ్యాప్తంగా విడుదలకానుంది.
రిలీజ్ డేట్ దగ్గర పడుతుండడంతో మూవీపై ఆసక్తి పెంచేందుకు ఒక్కో అప్డేట్ ఇస్తూ వస్తున్నారు మేకర్స్ . ఈ రోజు ఉగాది సందర్భంగా ఎన్టీఆర్, రామ్ చరణ్లకు సంబంధించిన పోస్టర్ ఒకటి విడుదల చేశారు. ఇందులో ఇద్దరు హీరోలు చాలా సంతోషంగా కనిపిస్తున్నారు. ఈ పోస్టర్ అభిమానులని ఎంతగానో ఆకట్టుకుంటుంది. గ్రాండియర్గా తెరకెక్కుతున్న ఈ చిత్రంలో రామ్ చరణ్ మన్యం వీరుడు అల్లురి సీతారామ రాజుగా, ఎన్టీఆర్ గిరిజన యోధుడు కొమురం భీమ్ పాత్రలో కనిపించనున్నారు.