న్యూఢిల్లీ: ఢిల్లీ పోలీస్ కమిషనర్గా రాకేశ్ అస్తానా ( Rakesh Asthana ) నియామకాన్ని వ్యతిరేకిస్తూ ఢిల్లీ అసెంబ్లీ ఒక తీర్మానాన్ని గురువారం ఆమోదించింది. ఆయన నియామకాన్ని వెనక్కి తీసుకోవాలని కేంద్ర హోంమంత్రిత్వ శాఖను కోరింది. రాకేశ్ అస్తానా, గుజరాత్ కేడర్కు చెందిన 1984 బ్యాచ్ ఐపీఎస్ అధికారి. సరిహద్దు సెక్యూరిటీ ఫోర్స్ (బీఎస్ఎఫ్) డైరెక్టర్ జనరల్గా పదవీ విరమణ చేయడానికి మూడు రోజుల ముందు ఆయనను ఢిల్లీ పోలీస్ కమిషనర్గా కేంద్ర ప్రభుత్వం నియమించింది. దీంతో మంగళవారం ఆ బాధ్యతలను రాకేశ్ అస్తానా స్వీకరించారు.
మరోవైపు ఢిల్లీలోని అధికార ఆప్ ప్రభుత్వం ఢిల్లీ పోలీస్ కమిషనర్గా రాకేశ్ అస్తానా నియామకాన్ని వ్యతిరేకించింది. డైరెక్టర్ జనరల్ స్థాయి అధికారులను ఈ పోస్ట్లో నియమించరాదన్న సుప్రీంకోర్టు తీర్పుకు ఇది విరుద్ధంగా ఉన్నదని ఆప్ ఎమ్మెల్యే సంజీవ్ ఝా ఢిల్లీ అసెంబ్లీలో అన్నారు. రాకేశ్ అస్తానా నియామకం కోర్టు ధిక్కారం కిందకు వస్తుందని ఆయన చెప్పారు. ఈ నేపథ్యంలో ఆయన నియామకాన్ని వెనక్కి తీసుకోవాలని కేంద్ర హోంశాఖను కోరారు. ఈ మేరకు చేసిన తీర్మానాన్ని ఢిల్లీ అసెంబ్లీ ఆమోదించింది.