ఆరెంజ్.. చూడ్డానికి ఎంతో అందంగా కనిపించే ఈ పండులో ఎన్నో ఆరోగ్య పోషకాలు ఉన్నాయి. విటమిన్ సి ఎక్కువగా ఉండే ఈ సిట్రస్ పండు తినడం వల్ల రక్తంలోని షుగర్ లెవల్స్ నియంత్రణలో ఉంటాయి. కాబట్టి డయాబెటిస్తో బాధపడేవారు కూడా నిరభ్యంతరంగా వీటిని తినొచ్చు. అయితే నారింజతో ఆరోగ్య ప్రయోజనాలు కూడా ఎన్నో ఉన్నాయి.
– నారింజలో విటమిన్ సీ ఎక్కువగా ఉంటుంది. కాబట్టి వీటిని ఎక్కువగా తినడం వల్ల బ్యాక్టీరియా, వైరస్లు దరిచేరవు. ఇందులో ఉండే పీచు పదార్థం పెద్ద పేగును ఆరోగ్యంగా ఉంచుతుంది.
– నారింజలో ఉండే థయామిన్.. మనం తిన్న ఆహారం కొవ్వుగా కూడా మొత్తం శక్తిగానే మారడంలో సహాయపడుతుంది. దీనివల్ల అధిక రక్తపోటు సమస్య వచ్చే ప్రమాదం తగ్గుతుంది.
– ఈ పండ్లలోని కెరోటినాయిడ్స్ కళ్లకు ఎంతో మేలు చేస్తుంది.
– నారింజలో విటమిన్ బీ6 కూడా అధికంగా ఉంటుంది. ఇది శరీరంలోని ప్రతి భాగానికి ఆక్సిజన్ను పుష్కలంగా అందజేస్తుంది.
– వీటిని తింటే తెల్ల రక్తకణాలు వృద్ధి చెందుతాయి. తద్వారా రోగనిరోధక శక్తి పెరుగుతుంది. నారింజలో ఉండే యాంటీ ఆక్సిడెంట్ల వల్ల కూడా రోగ నిరోధక శక్తి పెరుగుతుంది.
– చలికాలంలో ఆస్తమా, వైరల్ ఇన్ఫెక్షన్లు రాకుండా దోహదపడతాయి.
– మూత్రపిండాల్లో రాళ్లు ఏర్పడకుండా కూడా రక్షణనిస్తాయి.
– గర్భస్థ శిశువు మెదడు ఆరోగ్యంగా, చురుగ్గా ఉండేందుకుఅవసరమైన ఫోలిక్ యాసిడ్ నారింజలో ఉంటుంది.
– నారింజలో ఉండే ఫొలెట్, పొటాషియం, మెగ్నీషియం గుండె ఆరోగ్యాన్ని సంరక్షిస్తాయి. అధిక రక్తపోటు సమస్య రాకుండా చూస్తాయి.