భారతదేశం గర్వించదగ్గ నటులలో దిలీప్ కుమార్ ఒకరు. ఆయన అసలు పేరు.. మహమ్మద్ యూసుఫ్ ఖాన్. ఎన్నో వైవిధ్యమైన పాత్రలు పోషించి ఇండియన్ సినిమా స్థాయిని పెంచిన దిలీప్ కుమార్ కొన్నాళ్లుగా అనారోగ్యంతో బాధపడుతున్నాడు. ప్రతి నెల ఆయన చెకప్ కోసం ఆసుపత్రికి వెళుతుంటారు. రీసెంట్గా ఆయనకు శ్వాసతీసుకోవడంలో ఇబ్బంది ఏర్పడటంతో కుటుంబసభ్యులు ఆసుపత్రిలో చేర్పించారు. ఈ మేరకు ఆయన భార్య సైరా భాను సోషల్ మీడియాలో ఆయన ఆరోగ్యం గురించి స్పందించారు.
ఆదివారం ఉదయం 8.30గం.లకు శ్వాస తీసుకోవడంలో ఇబ్బంది ఏర్పడడంతో ఖార్ రోడ్డులో ఉన్న హాస్పిటల్కు తీసుకొచ్చాం. డాక్టర్లు వైద్యం అందిస్తున్నారు.. కొన్ని పరీక్షలు చేశారు.. మేం వాటి రిపోర్ట్స్ కోసం ఎదురుచూస్తున్నాం. త్వరగా కోలుకోవాలని అందరు ప్రార్ధించండి అని సైరా భాను వేడుకున్నారు. దిలీప్ కుమార్ ప్రస్తుతం సీనియర్ డాక్టర్లు కార్డియాలజిస్ట్ నితిన్ గొఖలే, పుల్మనాలజిస్ట్ డాక్టర్ జలిల్ పార్కర్ పర్యవేక్షణలో ఉన్నారు.