ఆదివారం 05 జూలై 2020
National - Jun 22, 2020 , 10:53:53

మోదీని మెచ్చుకున్న చైనా మీడియా

మోదీని మెచ్చుకున్న చైనా మీడియా

హైద‌రాబాద్‌: మ‌న భూభాగాన్ని, మ‌న ఫార్వ‌ర్డ్ పోస్టుల‌ను ఎవ‌రూ ఆక్ర‌మించ‌లేద‌ని ప్ర‌ధాని మోదీ.. అఖిల ప‌క్ష స‌మావేశంలో పేర్కొన్న విష‌యం తెలిసిందే. స‌రిహ‌ద్దు వివాదంపై మోదీ చేసిన ఈ వ్యాఖ్య‌ల‌ను చైనా మీడియా స్వాగ‌తించింది. మోదీ వ్యాఖ్య‌లు ఉద్రిక్త‌త‌ల‌ను త‌గ్గిస్తాయ‌ని చైనా మీడియా అభిప్రాయ‌ప‌డింది.  క‌మ్యూనిస్టు పార్టీకి చెందిన గ్లోబ‌ల్ టైమ్స్ దీనిపై ఓ క‌థ‌నాన్ని రాసింది.  స‌రిహ‌ద్దు వివాదంపై ప్ర‌ధాని మోదీ చేసిన వ్యాఖ్య‌లు సోష‌ల్ మీడియాలో విప‌రీతంగా షేర్ అయిన‌ట్లు ఆ ప‌త్రిక చెప్పింది.  ఆర్మీకి పూర్తి స్వేచ్ఛ‌ను ఇచ్చిన మోదీ.. చైనాతో వివాదం లేద‌ని కూడా పేర్కొన్నార‌ని ఆ ప‌త్రిక క‌థ‌నం వెల్ల‌డించింది. 

స్వ‌దేశీ జాతీయవాదుల‌ను చ‌ల్ల‌బ‌రిచేందుకు ప్ర‌ధాని మోదీ బెదిరింపులు చేశార‌ని, కానీ ఆయ‌న చైనాతో ఎటువంటి వివాదాన్ని కోరుకోవ‌డం లేద‌ని చైనా విశ్లేష‌కులు చెబుతున్న‌ట్లు గ్లోబ‌ల్ టైమ్స్ పేర్కొన్న‌ది.  ఉద్రిక్త‌త‌ల‌ను త‌గ్గించేందుకు మోదీ వ్యాఖ్య‌లు ఉప‌క‌రిస్తాయ‌ని షాంఘైలోని ఫుడాన్ వ‌ర్సిటీలోని ప్రొఫెస‌ర్ లిన్ మిన్‌వాంగ్ తెలిపారు.  పాకిస్థాన్‌తో కానీ ఇత‌ర పొరుగుదేశాల‌తో భార‌త్ వివాదం పెట్టుకుంటే, అప్పుడు జాతీయవాదం ప‌నిచేస్తుంద‌ని, కానీ చైనా విష‌యంలో అలా ఉండ‌ద‌ని ఆ ప్రొఫెస‌ర్ గ్లోబ‌ల్ టైమ్స్‌తో పేర్కొన్నారు.  

దేశ ప్ర‌జ‌ల‌ను సంతోష‌పెట్టేందుకు, సైనిక ద‌ళాల్లో ఉత్తేజాన్ని నింపేందుకే ప్ర‌ధాని మోదీ సైనిక ద‌ళాల‌కు స్వ‌చ్ఛ ఇస్తున్న‌ట్లు ప్ర‌క‌టించార‌ని చైనా సైనిక నిపుణుడు వీ డాంగ్జూ తెలిపారు. జాతీయ‌వాదుల‌ను సంతృప్తిప‌రిచేందుకు చైనా సైనికులు 40 మంది చ‌నిపోయిన‌ట్లు కేంద్ర మంత్రి వీకే సింగ్ కామెంట్ చేశార‌ని డాంగ్జూ తెలిపారు.   


logo