అనారోగ్యం చెప్పి రాదు. వస్తే ఒళ్లు ఇల్లు గుల్లవడం ఖాయం. ఆసుపత్రిల్లో ట్రీట్మెంట్ అంటేనే భయపడే రోజులివి. లైఫ్ైస్టెల్లో మార్పులు, కాలుష్యం, జంక్ ఫుడ్స్ ఇంకా తెలియని అనేక కారణాలతో కొత్త రోగాలతో హాస్పిటల్ పాలైన వారి సంఖ్య గణనీయంగా పెరుగుతున్నది. హాస్పిటల్కోసం దాచుకున్న సొమ్ము ఖర్చయి అప్పుల పాలు కాకుండా ఉండాలంటే సమగ్ర హెల్త్ ఇన్సూరెన్స్ తీసుకోవడం మేలు. ఉద్యోగం చేస్తున్న కంపెనీ ఇచ్చే గ్రూపు హెల్త్ ఇన్సూరెన్స్ ఉన్నా సరే, సొంతంగా మరో హెల్త్ ఇన్సూరెన్స్ ప్లాన్ను కొనుగోలు చేయాల్సిందే.
అయితే హెల్త్ ఇన్సూరెన్స్ పాలసీని తీసుకునే ముందు దాని గురించి పూర్తిగా తెలుసుకోండి. బీమా కంపెనీలు ఆఫర్ చేస్తున్న అనేకానేక పాలసీలను చూసి కంగారు పడకుండా మనకు కావాల్సిన కవరేజి ఉందా? .. లేదా?.. ముందే చూసుకోవాలి. హెల్త్ ఇన్సూరెన్స్ కొనుగోలుకు ముందు తెలుసుకోవాల్సిన కొన్ని విషయాలు..
హెల్త్ ఇన్సూరెన్స్ తీసుకునే ముందు పరిగణనలోకి తీసుకోవాల్సిన వాటిలో ప్రస్తుత ఆరోగ్యస్థితి, లైఫ్ స్టెయిల్, వంశపారంపర్యంగా వచ్చే అనారోగ్య అవకాశాలు, తదితర అంశాలు ప్రధానమైనవి. డయాబెటిస్, హైపర్ టెన్షన్ వంటి ఆరోగ్య సమస్యలు కుటుంబంలో ఎవరికైనా ఉంటే హాస్పిటలైజేషన్ ఎక్కువ. అలాగే జీవనశైలి లోపాలు కూడా భవిష్యత్లో ఆరోగ్య సమస్యలు రావచ్చును. ఉద్యోగాల వత్తిడితో కూడుకున్నవైతే కూడా ఆరోగ్య సమస్యలు తలెత్త వచ్చు. వీటన్నింటినీ దృష్టిలో ఉంచుకుని భవిష్యత్ను అంచనా వేసుకోవాలి. నగరాల్లో పట్టణాల్లో ఉన్నా కనీసం ఐదు లక్షల నుంచి పది లక్షల వరకు ఆరోగ్య బీమా తప్పనిసరి. కుటుంబ ఆరోగ్య పరిస్థితులను బట్టి ఇంకా కాస్త ఎక్కువే తీసుకోవచ్చు.
వ్యక్తి గత కవరేజీ
పెళ్లి అయి ఇద్దరి కన్నా ఎక్కువ కుటుంబ సభ్యులుంటే వారి మొత్తానికి వర్తించేలా ఉన్న ప్రత్యేక పాలసీని ఎంచుకోవాలి. ప్రపోజర్ 45 ఏండ్ల లోపు వయసుండి ఇంట్లో యుక్త వయసున్న పిల్లలుంటే ఫ్యామిలీ ఫ్లోటర్ ప్లాన్ను తక్కువ ప్రీమియంతోనే పాలసీ వస్తుంది. కవరేజిని కూడా ఎక్కువ మొత్తానికి తీసుకోవచ్చు. ఒక వేళ ప్రపోజర్ 60 ఏండ్ల పైబడి (హాస్పిటలైజేషన్ రిస్క్ ఎక్కువ) ఉంటే లాభదాయకం. ఎందుకంటే వయసు రీత్యా ఉండే ఆరోగ్య సమస్యల కారణంగా అనేక సార్లు క్లెయిం చేయాల్సి రావచ్చు. మిగతా కుటుంబ సభ్యుల కవరేజీ తక్కువ కావచ్చు. అందుకని అందరికీ వ్యక్తిగత కవరేజీని తీసుకోవడం ఉత్తమం.
ఫీచర్స్, ప్రీమియం,హాస్పిటల్ నెట్వర్క్
ప్రతి పాలసీలోనూ కొన్ని ప్రత్యేక ఫీచర్స్ ఉంటాయి. నివాసంలోనే చికిత్స, క్రిటికల్ ఇల్నెస్ ప్రొటెక్షన్, ప్రసవం, మెడికల్, అవుట్ పేషెంట్ ట్రీట్మెంట్, ఇలాంటి ఫీచర్ల గురించి ముందు తెలుసుకోండి. ఒకవేళ సంవత్సరంలో క్లెయిం చేయకపోతే నో క్లెయిం, అలాగే హాస్పిటల్ నెట్వర్క్ చేసుకోండి. మీ ఇంటి దగ్గరగా ఉన్న సూపర్ స్పెషాలిటీ, మీరు తరచుగా ప్రయాణించే సిటీలో మంచి హాస్పిటల్ ఉన్నాయో లేదో చూడండి. కేవలం ప్రీమియం తక్కువ ఉన్న పాలసీ అనే కాకుండా ఎక్కువ ఫీచర్స్, మంచి నెట్వర్క్ ఆసుపత్రులతోపాటు అదనపు ప్రయోజనాలను కూడా పరిగణనలోకి తీసుకోవాలి. అలాగే ఇన్సూరెన్స్ కంపెనీ సెటిల్మెంట్ రేషియోను కూడా పరిశీలించండి.
మినహాయింపులు, వెయిటింగ్ పీరియడ్స్
ప్రతీ పాలసీలోనూ కొన్ని మినహాయింపులుంటాయి. ఉదాహరణకు డెంటల్ ఇంప్లాంట్స్, హెచ్ఐవీ, ప్రత్యామ్నాయ హెల్త్ ట్రిట్మెంట్, పాలసీ తీసుకోవడానికి ముందున్న ఆరోగ్య సమస్యలు, ఇలాంటి పాలసీని బట్టి బీమా కంపెనీని బట్టి చాలానే ఉంటుంది. అందుకే ముందుగానే వేటికి పాలసీలో కవరేజి లేదో ముందుగానే తెలుసుకోవాలి. అలాగే కొన్నింటికి వెయిటింగ్ పీరియడ్ ఉంటుంది. అంటే పాలసీ తీసుకున్న తర్వాత కొన్ని నెలల వరకు వాటికి కవరేజి ఉండదు. చాలా కంపెనీలు పాలసీ తీసుకున్న తర్వాత కనీసం నెల నుంచి రెండు నెలల వరకు వెయిటింగ్ పీరియడ్ను ఉంచుతారు. హెల్త్ ఇన్సూరెన్స్ పాలసీ తీసుకునే ముందు ఈ రెండింటినీ మదింపు చేసుకోవాలి.
కొన్ని ట్రీట్మెంట్లపై పరిమితి
దాదాపు అన్ని బీమా కంపెనీలు కొన్ని రకాల ట్రీట్మెంట్లపై పరిమితి లోబడే కవరేజి కల్పిస్తాయి. మీరు తీసుకునే పాలసీలో అలాంటి పరిమితులు ఏవైనా ఉన్నాయా లేదా చూడండి. వీటిని సబ్
లిమిట్స్ అంటారు. అలాంటివి ఉంటే మీరు ఎక్కువ కవరేజికి పాలసీ తీసుకున్నా ప్రయోజనం ఉండదు. అందుకే సబ్లిమిట్స్ పాలసీని ఎంచుకోండి.
క్లుప్తంగా చెప్పాలంటే హెల్త్ పాలసీని తీసుకునే ముందు వయసు, ఆరోగ్య స్థితిగతులు, గత ఆరోగ్యం గురించి, బాడీ మాస్ ఇండెక్స్, ఉన్న ఊరు, చేసే ఉద్యోగం, జీవన విధానం, కుటుంబ పరిమాణం ఇలాంటి అంశాలన్నింటినీ పరిగణనలోకి తీసుకోవాలి. అలాగే పాలసీ ఫీచర్స్ పరిమితులను, హాస్పిటల్ నెట్వర్క్ని చూసుకోవాల్సి ఉంటుంది.
ఇవీ కూడా చదవండి…
డిజిటల్ పేమెంట్స్ జోరు: ఎస్బీఐ కార్డ్స్ పేమెంట్స్ 50 శాతం పైపైకి!