సోమవారం 25 మే 2020
National - Apr 06, 2020 , 15:07:05

దీపాలు వెలిగించి ఫైరింగ్ జ‌రిపిన మ‌హిళా నేత.. వీడియో వైర‌ల్‌

దీపాలు వెలిగించి ఫైరింగ్ జ‌రిపిన మ‌హిళా నేత.. వీడియో వైర‌ల్‌

హైద‌రాబాద్‌:  క‌రోనాను త‌రిమేందుకు దీపాలు వెలిగించాల‌ని ప్ర‌ధాని మోదీ పిలుపు ఇచ్చిన విష‌యం తెలిసిందే. అయితే ఉత్త‌ర‌ప్ర‌దేశ్‌లోని బ‌ల‌రాంపూర్ జిల్లాకు చెందిన బీజేపీ మ‌హిళా మోర్చా నేత మంజూ తివారీ ఆదివారం రాత్రి త‌న భ‌ర్త లైసెన్సు పిస్తోల్‌తో ఫైరింగ్ జ‌రిపింది. ఆ సంఘ‌ట‌న‌ను వీడియో తీసి ఆమె త‌న ఫేస్‌బుక్‌లో పెట్ట‌డంతో.. ఆ వీడియో వైర‌ల్ అయ్యింది.  ఇంట్లో రాత్రి 9 గంట‌ల‌కు దీపాలు వెలిగించిన త‌ర్వాత ఆమె గ‌న్‌తో ఫైరింగ్ చేసింది. ఇక కాంగ్రెస్ నేత‌లు ఆ మ‌హిళా నేత‌పై కేసు పెట్టాల‌ని డిమాండ్ చేశారు.  ఆమెపై సీఎం యోగి చ‌ర్య‌లు తీసుకోవాల‌ని డిమాండ్ చేశారు. స్థానిక పోలీసులు ఆమెపై కేసు న‌మోదు చేశారు. త‌ప్పు జ‌రిగిపోయింద‌ని, మ‌రోసారి ఇలా చేయ‌ను అని ఆమె పోలీసులు ఎదుట వాంగ్మూలం ఇచ్చింది.



logo