ఆదివారం జరిగిన తెలుగు ఫిలిం వర్కర్స్ ఫెడరేషన్ ఎన్నికల్లో అధ్యక్షుడిగా వల్లభనేని అనిల్కుమార్ విజయం సాధించారు. కొమర వెంకటేష్పై పద్దెనిమిది ఓట్ల అధిక్యంతో ఆయన గెలుపొందారు. ఫిలింఫెడరేషన్లో మొత్తంగా 72 ఓట్లు ఉండగా ఈ ఎన్నికల్లో 66 పోల్ అయ్యాయి. వీటిలో వల్లభనేని అనిల్కుమార్కు 42 రాగా, కొమర వెంకటేష్కు 24 ఓట్లు పడ్డాయి. ఈ ఎన్నికల్లో కోశాధికారిగా రాజేశ్వర్రెడ్డి గెలుపొందగా ప్రధాన కార్యదర్శిగా పీఎస్ దొర ఏకగ్రీవంగా ఎన్నికయ్యారు. ఈ సందర్భంగా వల్లభనేని అనిల్కుమార్ మాట్లాడుతూ కరోనా కారణంగా ఉపాధిని కోల్పోయిన సినీ కార్మికులకు ఆదుకోవడానికి కృషిచేస్తామని తెలిపారు.