శనివారం 08 ఆగస్టు 2020
National - Jul 22, 2020 , 16:11:34

‘18 కోట్ల మందిలో యాంటీబాడీలు’

‘18 కోట్ల మందిలో యాంటీబాడీలు’

న్యూ ఢిల్లీ : కరోనావైరస్‌కు వ్యతిరేకంగా దేశంలో దాదాపు 18 కోట్ల మంది ఇప్పటికే ప్రతిరోధకాలు (యాంటీబాడీస్‌)ను కలిగి ఉన్నారని థైరోకేర్‌ సంస్థ తెలియజేసింది. ఈ సంస్థ సుమారు 600 నియోజకవర్గాల్లో 60,000 మందిని సుమారు 20 రోజుల పాటు యాంటీబాడీస్‌ పరీక్షలను చేసిన తరువాత ఈ ప్రకటన విడుదల చేసింది. వారి అంచనాల ప్రకారం దేశంలో దాదాపు 15% మంది ఇప్పటికే కరోనావైరస్‌కు వ్యతిరేకంగా ప్రతిరోధకాలను కలిగి ఉండవచ్చునని వారు తెలిపారు. ఈ విషయాన్ని థైరోకేర్‌ వ్యవస్థాపకుడు డాక్టర్‌ వెలుమని ట్విట్టర్‌ ద్వారా తెలియజేశారు. 

థైరోకేర్‌ ప్రతినిధులు మాట్లాడుతూ ఈ పరీక్షలను చేయడానికి ప్రత్యేకంగా ఎవరినీ ఎంచుకోలేదని, 80శాతం మంది వారంతట వారే కార్పొరేట్ల నుంచి వచ్చి పరీక్షలు చేయించుకున్నట్లు తెలిపారు. ఒక్క థైరోకేర్‌ మాత్రమే కాకుండా ఢిల్లీలోని మరో సంస్థ కూడా ఇలాంటి సర్వేనే తెలియజేసింది. ఈ సర్వేలో ప్రపంచంలో 23శాతం మంది యాంటీబాడీస్‌ను కలిగి ఉన్నట్లు తెలియజేసింది. భారతదేశంలో కరోనా కేసులు 11లక్షలు దాటగా సుమారు 28000 మంది ఇప్పటివరకు మృతి చెందారు. 


లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo